اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الله يرحمك يا حجي كاكور !!

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 الله يرحمك يا حجي كاكور !! في الثلاثاء مارس 17, 2009 1:54 pm

سلماس


عضو


الحاج كاكور ضل عزابي وما تزوج وتوفى عن عمر اكتر من 80 سنة وما كنت اعرف ليش مع انو كان عندو دكان وكانت هالدكان ساترة تلات ارباع الحارة بكلمتين " لآخر الشهر " من فترة خطرلي خاطر انو بركي هالحاج كاكور كان عندو عمق وقدرة ع التنبؤ وعرف انو رح تصير هالشغلات كلها وخاف من النهاية !
عرف انو رح نصير ما عاد فينا نميز البنت من المخطوبة من المتزوجة !
وانو الحارة الغربية ما رح تتسمى باسم الماغوط او باسم شي شهيد من هدول اللي ضحوا ! ورح تقترح تسميتها باسم بريتني سبيرز او شاكيرا ! وانا بما انو من حارتوا - يعني لازم انتفش ويكبر راسي وانكشلي على صلة قرابة فيه من تحت الارض متل ما عملوا الكل - بعرف انو ستي كان اسما بهية وما بتعرف شي عن شاكيرا وبتعرف الحاج كاكور اكتر شي وبرأيا إنو أهم من كل الزعماء بالنسبة الها لانو ما كان يمنع الخضرة عنها واللبن مهما تأخر آخر الشهر !
وبجوز تخيل إنو رح يصير محل بيت جدي ناطحة عواميد كهربا على شارعين وفيها عشرات الشقق اللي بتشبه مصيدة الفيران ورح يصير في عنا سوبر ماركتات كبيرة بتشتغل 24/ساعة على 24/ساعة وبترجعلك علكة بدال المصاري وما فيها فيران بالمربى اللي بتبيعوا وبتحطلك بالكازوزة - شلمونة- !
وعرف كمان انو عد المصاري رح يصير اسهل بعد ما صارت الألف شقفة وحدة وأي واحد صار يشوف الألف ايمتى ماكان وبأي وقت بالليل أو بالنهار - مع انو اول مرة بشوف الخمسمية كان عمري شي اربطعش سنة !!
يمكن حس انو رح يصير سور من المقاصف حولينا منشان تمتص هجمات البدو بعد ما توفى جدي المير بو ملحم - وعنجد جدي مو عم اتقرب فيه - وهالسور او الحزام الحامي اعظم من سور الصين لانو بيأمن حاجة فكرية لشبابنا منشان يشربوا عرق ويدخنوا لحتى يصيروا متل فايز خضور شعراء كبار لانو هو كان يعمل هيك ولولا هيك ما صار متل ما صار مع انو مرتوا درستني بالمرحلة الابتدائية و ما كانت رضيانة عن الوضع !
عرف انو ما رح يضل فقر والدليل انو المطاعم والكافتيرات مليانة على طول وعم تكتر مع انو فيها الدفع - شندي - مو لآخر الشهر !!
كلو حامل موبايل العايز والمو عايز لانو صار ضرورة تاريخية والواحد لازم يعرف بركي هجمت علينا اسرائيل كيف بدنا نعرف مو معقولة نتراسل بالحمام بالزاجل بعد كل هالتطورات ولازم نشحن ولو بالدين لانو صار سلاح استراتيجي !
أكيد تنبأ إنو العيشة بالشام بدا تصير انو بتفيق الصبح بتفكر حالك طول الليل عم تنفض سداجة بغرفة مسكرة وخشومك بتطلع شحوار بالكيلو وجسمك مبقع من بقات بردى ويلعلع براسك ياس خضر بدال فيروز و تفطر " برياني " بدال الفول المدمس وبدال الياسمين تشم ريحة دواليب السيارات - اذا ضليت تشم طبعا !!!

قولكم الحاج كاكاور كان بيعرف انو بدو يصير هيك لذلك قرر يموت عزابي وينقطع نسلو ولا هيك صدفة طلعت معو او بسبب قصة حب قديمة او شي من هالقبيل !!
ويا هل ترى فينا نصلح ولو شوي فينا نصير نكب المحرمة بسلة الزبالة المخصصة الها !
فينا ما نكسر مقاعد الحديقة ، فينا نعلم ولادنا يقروا كتب ويشمو ريحة الحبر فينا نبطل نرمي على الدولة ونقول كلو منها فينا نستفيد من النت بغير الشات ونقرا شي بيهمنا اكتر فينا لما نشرب عرق ندور على النديم قبل الكأس !!!

فينا نزرع زيتون ، فينا نمشي متل ايام زمان ونقتصر بطلب التكسي وقت حاجتها بس !!!


فينا نصير مسؤولين اكتر ولو بشوي !!!!

2 رد: الله يرحمك يا حجي كاكور !! في الثلاثاء مارس 17, 2009 8:03 pm

lorka200

avatar
مشرف عام
مشكور ابو السلم هيك رح سميك اسها واحلى ولا شو رايك...
نقدر ياعزيزي ان نكون اكثر من ذلك ..فقط بان نتعاون سويا..ونعمل..فينا نكون اكتر واكتر بس نفكر أنو هالارض اللي ربتنا ..واعطتنا خيرها ..تستحق منا العمل دوما لنضارتها واثبات وجودها ..
فينا نكون اكتر بكتير ...
بس تكون المحبه اساس ..
ومابدي نظظظر واحكي
بس فعلا يعني شي بيعز النفس لما بتكون ماشي بطريق وبتشوف مجموعة شباب وصبايا عم يزرعوا شجر ..وبيكونوا متطوعين
او بتشوف مجموعه تانيه عم تشتغل لتساهم بانقاذ طفل مريض ..او مساعدته..
وفينا نعمل حضاره لما بنركب الموتور ونلبس خوذه...
ونقرا كتاب ..ونعلم الاصغر منا ..انو الجمال مابيجي من عدم بدو تعب ..وانو لقمه العيش بدها نضال ....
وقبل قبل كلشي انو الحياة بدها محبه...
تقبل مروري

3 رد في الأربعاء مارس 18, 2009 12:13 am

جوريه

avatar
مشرف
بالبدايه شكرا لما كتبت وتانيا فعلا زعلتني عالحج كاكور بتصدق اني بسمع فيه من زمان وكأنه من معالم سلميه بس يمكن عمري ما قابلته ولا شفته سبحان الله في ناس بتأثر فينا بدون ان نراها
ولا تيأس اخي سلماس كل شي ممكن بالحياه ليش لا بالتعاون والمحبه والتصميم ليس بالضروره ان ننتظر اي جهه لتساعدنا على ما ابتلينا نحن بيدنا قادرين بقدر المستطاع

تقبل احترامي

4 رد: الله يرحمك يا حجي كاكور !! في الأربعاء مارس 18, 2009 12:46 am

سلماس


عضو
lorka200 كتب:مشكور ابو السلم هيك رح سميك اسها واحلى ولا شو رايك...
نقدر ياعزيزي ان نكون اكثر من ذلك ..فقط بان نتعاون سويا..ونعمل..فينا نكون اكتر واكتر بس نفكر أنو هالارض اللي ربتنا ..واعطتنا خيرها ..تستحق منا العمل دوما لنضارتها واثبات وجودها ..
فينا نكون اكتر بكتير ...
بس تكون المحبه اساس ..
ومابدي نظظظر واحكي
بس فعلا يعني شي بيعز النفس لما بتكون ماشي بطريق وبتشوف مجموعة شباب وصبايا عم يزرعوا شجر ..وبيكونوا متطوعين
او بتشوف مجموعه تانيه عم تشتغل لتساهم بانقاذ طفل مريض ..او مساعدته..
وفينا نعمل حضاره لما بنركب الموتور ونلبس خوذه...
ونقرا كتاب ..ونعلم الاصغر منا ..انو الجمال مابيجي من عدم بدو تعب ..وانو لقمه العيش بدها نضال ....
وقبل قبل كلشي انو الحياة بدها محبه...
تقبل مروري


سمي اللي بدك ياه ولا يهمك ...وانا بخبرك انو فيك تقلي ابو سمرا وهذا ما افضله ههههههه او ابو علي وهذا المفروض ههههه واي شي بتختاروا من هدول او غيرهن ما عندك مشكلة

متل ماقلت المحبة هي اهم شي
مشكور من القلب

دمت بخير

5 رد: الله يرحمك يا حجي كاكور !! في الأربعاء مارس 18, 2009 12:48 am

سلماس


عضو
جوريه كتب:بالبدايه شكرا لما كتبت وتانيا فعلا زعلتني عالحج كاكور بتصدق اني بسمع فيه من زمان وكأنه من معالم سلميه بس يمكن عمري ما قابلته ولا شفته سبحان الله في ناس بتأثر فينا بدون ان نراها
ولا تيأس اخي سلماس كل شي ممكن بالحياه ليش لا بالتعاون والمحبه والتصميم ليس بالضروره ان ننتظر اي جهه لتساعدنا على ما ابتلينا نحن بيدنا قادرين بقدر المستطاع

تقبل احترامي

طبعن مو ياسان اختي الكريمة
فقط تسليط بقعة ضوء على واقع صار واقع لا محالة
مشكورة من القلب للمرور العطر
دمت بخير

6 رد: الله يرحمك يا حجي كاكور !! في الأربعاء مارس 18, 2009 3:59 am

HUSSINE


عضو
انا ابن نفس هالحارة و سمعلن كتير بالحج كاكور الله يرحمو ....
يمكن معك حق بكتير شغلات بس شو الحل خلينا نبدأ من انفسنا ايدي و ايدك و ايادي الشباب معنا بلكي بنقدر نعمل شي مفيد و الحلول بسيطة و متل ما اقترح لوركا انو يا اخي اركاب الموتور بس البس خوذة عالاقل و شوي شوي ممكن نعمل شي مهم ...
و عفكرة بخصوص الموبايل مثلا ...
بحكم عملي بمواقع الانشاءات بدبي بختلط كتير مع الاجانب انكليز و هولنديين و جنوب افريقيين و ... صدقني انا لليوم ما شفت واحد منهن حامل موبايل عليه القيمة متل ما بنقول بسلمية مع انو المفروض انو نحنا عم نقلدهن و منشان هيك واحدنا بيقطع الخبز عن بيتو منشان يجيب موبايل و عليه القيمة كمان الكل بيحمل موبايل عملي و بيتحمل جعك و ماشيه الامور مع العلم انو كل واحد منهن بيقبض المبلغ الفلاني اللهم لا حسد ....
نحنا بكتير من تخبطاتنا بندعي انو عم نقلد الغرب انا مو عم قول كلها ..بس باغلبها بس الحقيقة يا صاحبي انو حتى الغرب براء مننا نحنا عملنا خطنا الخاص و المنفصل عن اي شعب تاني و بالخصوص خطنا الجديد مقطوع عن تاريخنا و حضارتنا و ثقافتنا و هي الاهم فلوين رايحين ما بعرف فخلونا نكفي الطريق لنعرف .....
تقبل مروري و شكراً

7 رد: الله يرحمك يا حجي كاكور !! في الخميس مارس 19, 2009 6:23 am

سلماس


عضو
HUSSINE كتب:انا ابن نفس هالحارة و سمعلن كتير بالحج كاكور الله يرحمو ....
يمكن معك حق بكتير شغلات بس شو الحل خلينا نبدأ من انفسنا ايدي و ايدك و ايادي الشباب معنا بلكي بنقدر نعمل شي مفيد و الحلول بسيطة و متل ما اقترح لوركا انو يا اخي اركاب الموتور بس البس خوذة عالاقل و شوي شوي ممكن نعمل شي مهم ...
و عفكرة بخصوص الموبايل مثلا ...
بحكم عملي بمواقع الانشاءات بدبي بختلط كتير مع الاجانب انكليز و هولنديين و جنوب افريقيين و ... صدقني انا لليوم ما شفت واحد منهن حامل موبايل عليه القيمة متل ما بنقول بسلمية مع انو المفروض انو نحنا عم نقلدهن و منشان هيك واحدنا بيقطع الخبز عن بيتو منشان يجيب موبايل و عليه القيمة كمان الكل بيحمل موبايل عملي و بيتحمل جعك و ماشيه الامور مع العلم انو كل واحد منهن بيقبض المبلغ الفلاني اللهم لا حسد ....
نحنا بكتير من تخبطاتنا بندعي انو عم نقلد الغرب انا مو عم قول كلها ..بس باغلبها بس الحقيقة يا صاحبي انو حتى الغرب براء مننا نحنا عملنا خطنا الخاص و المنفصل عن اي شعب تاني و بالخصوص خطنا الجديد مقطوع عن تاريخنا و حضارتنا و ثقافتنا و هي الاهم فلوين رايحين ما بعرف فخلونا نكفي الطريق لنعرف .....
تقبل مروري و شكراً

أتفق معك أخي حسين بما قلته وأؤيده وانا كما هو واضح لم اطرح طرحا متشائما كما فهم الأغلبية ولكنني طرجت طرحا واقعياً قدر الامكان ولا يعني بالمطلق انني ممن يياسون أو حتى يفكرو نباليأس
شكرا لك من القلب

دمت بخير

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى