اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الرحمة يا ناس

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 الرحمة يا ناس في الإثنين أبريل 13, 2009 3:19 pm

فادي نظامي

avatar
عضو
لكل منّا بصمته في الحياة ..... الفنان يترك لوحة و الشاعر يترك قصيدة والعالم يترك علماً ..والإنسان يترك أثراً حضارياً ... أما أنت أيّها ( الغير مصنّف ) بين ما سبق انظر ماذا اخترت أن تترك – هه هه – في المكان الذي ستعود لتجلس فيه ثانية لتستمع بجمال الطبيعة...بقايا حضارة الوليمة ( أكياس قمامة ومواد بلاستيكية غير قابلة للتحلل و طبعاً العنصر الدائم الحضور في جلساتك ، الزجاجات الفارغة – المكسورة - انتقاماً من الخمر .... واختباراً لحدة النظر عند الذين سيأتون لاحقاً وقد لا يتنبهون لخطر الدوس عليها ..
بقلم : جبال ( البلعاس –عين الزرقا – الأطوز – المخشخش – الخضر 0000) وكل حضور للطبيعة في سلمية






2 رد: الرحمة يا ناس في الثلاثاء أبريل 14, 2009 5:32 pm

lorka200

avatar
مشرف عام
مشكور فادي ع الموضوع كتير شغله هامه انو نحكي عنها ..
شو سبب هالاهمال الموطبيعي عنا ..
وهاد ماعندنا غير متنفسين او ثلاثه في سلميه..
شي مزعج عن جد ..

اذا بدنا نحكي عن عمل الجمعيات والتعاون لحل هيك قضاياممكن كتير
بس الاهم هو وعي الناس والشباب...
والاهم من هيك انو لحد الان انا مو عم افهم نوعية شبابنا..
مافي شيء مشترك..
غير الجنان ..
بستغرب كتير (وانا ماني عم احكي كاني من خارج السرب ..هاد للتنويه)
شب عمره 15 سنه طاير ع الموتور مابيلبس خوذه ..او مستحيسل يلبسها ..بيشفط ...بيجعر الموتور ..
بيلطش بنات ..بيلطش شباب ..مشكلجي ...بيشرب....بيطلع ع الجبل بيحاول يخرب اكبر قدر من كلشي حواليه...
بيحط زبالته في كيس ويرميها بنص الطريق..
بلتكون عم تمشي مشوار بيمر وبيغبر عليك..
هادا عينه ...
هيك عينه مابعرف شو ممكن نعمل فيها ..او كيف ممكن نوعيها ..
صح العمل التعاوني ....والخدمات ..والحضار كلها تراكم...خبرات وثقافه ووعي..
بس كمان الجنان ..هو تراكم..قلة تربيه ...وتسرب من المدرسه....وطيش شباب...واحباط


اذا لدينا قوتان في النهايه متعاكستان ..في صراعهما ...شو النتيجه ..
خبرني فادي شو رايك

3 رد: الرحمة يا ناس في الأربعاء أبريل 15, 2009 3:03 pm

فادي نظامي

avatar
عضو
شو سبب الإهمال ؟ أكيد إنو ماعندنا شي إلو قيمة إلا المظاهر البراقة الخادعة أو ربما غياب وفقدان حسّ الانتماء ليس للوطن أو الجماعة أو الأسرة بل ربّما للذات
الجمعيات ياعيني هيي غير قادرة على التأثير إيجاباً بدون توفر الحد الأدنى من الوعي لأن الوعي هو الذي ينتج الشخص المسؤول
نوعية- معظم شبابنا- هيبيين، من أرفع طراز ولا شك، و الشيء المشترك بينهم أنهم غير مختلفين فهم مستنسخين بدون استنساخ
على فكرة بعض الناس يتبنون الرأي الخطير القائل بأن هذا هو السياق العام وما يفرضه السياق العام هو الصحيح ، فلا أظن أني بأمان من هكذا سياق ...!
لدينا قوتان..متعاكستان....محصلتهما أكيد صفر – إذا مو ناقص 1000- والحل بالفرمتة فقط
ودمت يابو البر

4 رد: الرحمة يا ناس في الأربعاء أبريل 15, 2009 4:08 pm

محمد1962

avatar
عضو
شيء عام في كل المدن والبلدات السورية وكأن الامر اصبح ثقافة عامة

5 رد: الرحمة يا ناس في الأربعاء أبريل 15, 2009 11:55 pm

بوعلي

avatar
عضو

مراحب للجميع...

هذا الموضوع مهم كتير ...وتشكر يا فادي على طرحه والتذكير..

والمشكلة تبدو أصبحت في كل شيء
من البيت للمدرسة إلى الشارع فامتدت للطبيعة وحقولها...

فيعني إذا الواحد متعود يشوف أمام بيتو أكياس مكومة من الزبالة ...وإذا راح عالمدرسة مافي مين يوعيه لعدم رمي الأوساخ في غير محلها...وبيطلع عالشارع ما بيشوف حدا مهتم بنظافة الشارع والمدينة ...وإذا راح عالمستشفى بيوشوف القمامة والنفايات مكومة أمام حائطه...

وعلى هذا الحال ...أكيد شي طبيعي انو نشوف بعد كل تلك المشاهد ...الأوساخ ترمى بعد السيران في البرية...لأنو انعدم الحس والاحساس بالمجمل من انو ذلك السلوك أصبح غير طبيعي... أو شاذ عن المألوف...

وأصبح من يقوم بجمعها بعد ذلك هو الشاذ وغير مألوف وسلوكه فيه شيئا من الفزلكة والتقليد..


والأهم بالتأكيد من كل ذلك هو كيف الخروج من هذا الحال ...

وما هو الحل؟؟؟؟؟؟؟

أكيد هنا ماعندي حل...بس بحب قول انو المسؤولية مسؤولية الجميع....الأهل في البيت...المدرسة...البلدية...الجمعيات...المؤسسات الحكومية وغير الحكومية....وأخيرا الانسان نفسه..أو البني آدم ...

الذي صار يتصرف ...وكأنه ليس كذلك...مع الأسف

وبالتأكيد الحديث عن هذه المشكلة يطول لأنها مشكلة عامة

لذا تقبلوا مروري على هذا الحال

6 رد: الرحمة يا ناس في الجمعة أبريل 17, 2009 3:15 pm

رواد زيدان

avatar
مشرف
ما بعرف ليش ولفترة من الفترات وبعد ما غمرتونا بصور الربيع والمناظر الحلوة بسلمية
ما بعرف ليش تخيلت انو ما ضل عنا عالم تترك الوسخ وراها وتمشي
وتخيلت انو الواحد بيلم كل شي وراه وبيرمية على جنب بالحاوية ببب باي مكان المهم ما يتركها محل اللي كان قاعد
اما هلق فخاب ظني كتير بعد هالمناظر المحزنة فعلا
معقولة المتنفس الوحيد لسلمية مو قادرين نحافظ على نظافتو والله شي بيخجل


_________________
احن الى خبز
امي وقهوة امي
ولمسة امي[b][i]

7 رد: الرحمة يا ناس في الجمعة أبريل 17, 2009 4:40 pm

رشا 200

avatar
عضو
والله شي كتير بيحزن
هالمناظر يعني الواحد هوي وقاعد لما يشوف هالشي بيخجل وكانو النا ايد بهالشي
بس الناس اذا ما كن رادعها نفسها
بتصور ولا شي بيردعها
وكل الخير لسلمية
مشكور فادي

تقبل مروري

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى