اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php
دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
يا صوتها المليان حنية Emptyالجمعة سبتمبر 25, 2009 6:10 pm من طرف lorka200

» كشف الستار
يا صوتها المليان حنية Emptyالجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
يا صوتها المليان حنية Emptyالجمعة سبتمبر 18, 2009 8:13 pm من طرف lorka200

» إنها تمطر في سلميه
يا صوتها المليان حنية Emptyالجمعة سبتمبر 18, 2009 6:20 pm من طرف خياط السيدات

» إدلبي في الكاميرون
يا صوتها المليان حنية Emptyالجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
يا صوتها المليان حنية Emptyالخميس سبتمبر 17, 2009 5:25 pm من طرف lorka200

» الثقافة و المثقفين
يا صوتها المليان حنية Emptyالخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
يا صوتها المليان حنية Emptyالخميس سبتمبر 17, 2009 1:06 am من طرف بوعلي

» أغبى فتاوى في الاسلام
يا صوتها المليان حنية Emptyالثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

يا صوتها المليان حنية

اذهب الى الأسفل  رسالة [صفحة 1 من اصل 1]

1يا صوتها المليان حنية Empty يا صوتها المليان حنية في الثلاثاء ديسمبر 09, 2008 12:03 pm

shadi79

shadi79
عضو
ياصوتها
المليان حنية
متل الكنار
وأحلا بشويي
سرقت القلب
ضج القلب
من لهفتو عليي

صار الحكي موجة حلا
تردد حلاه رموش عينيي
حاجي شمس حاجي دفا
شاب الحكي
شاب الحكي فيي
يا صوتها
يا صوتها المليان حنية

بتمسح غفا الكلمات
متل الصلا بخيمة
بتمرق متل غيمات
تروح وتجي غيمة
وزخة مطر
ع أرض جردية
يطّلع نبع صافي
ويرّجع مشاوير منسية
يا صوتها المليان حنية

بشوفك قبالي
بغمض عيوني
برجّع صدى كلمات
مجنونة
بشلح غطا الايام
يا ايام لاتخوني
مبارح بأيدي زرعت
كرم نجوم
وبعدا نجوم السما
عم ترقص بأيدي
غافي أنا عم أحلم بكلمات
شوفا ع صدرالليل صيحة آه
تعلا ع آخر سما
صيحة سماوية
بشوف الحكي قبالك
وبشوفك قبالي
غالي أنت غالي
يمكن أنا خيالك
عم لاحق خيالي
بفتح بواب القلب
بمليه بحروف العشق
بدفيه بمشاوير منسية
بشيل الزعل
من قصص عادية
بغفى بصورة بطل
ع كتاف غنية
يا صوتها المليان حنية

لو كان فيي
حوشك بالأيد
كومة حبق
وزنّر ع خصرك
لوعة التنهيد
وأطلع ع صدرك
تشلحيني بعيد
لوكان فيي
برجع من جديد
نتسابق وقلك تعي
نهرب مع خيوط الشمس
نرتاح بالفيي
ويشلح تيابو الهمس
بحروف نارية
وتتلبك الصابيع
بدا تقطف الكلمات
متل العسل من خابة متكية
ت ضم لو أنو الصدى
ع قد ع قد ما فيي

ورجعت لّوح بأيد فاضية
يمكن أنا بعدي أنا
وبعدو الحلم هيي
بتهرب مع طلوع الفجر
وتطل حد النبع بعد المسا
بخيال جنية
لاصوتها باقي ولا زقزقة ميه
يا صوتها يا صوتها
المليان حنية

2يا صوتها المليان حنية Empty رد: يا صوتها المليان حنية في الثلاثاء ديسمبر 09, 2008 1:36 pm

رشـــا

رشـــا
عضو
كتير حلوة وفيها موسيقى شعرية جميلة

سؤالي هل هي من كتابتك شادي ؟

لأنو عن جد رائعة وتستحق التقدير

3يا صوتها المليان حنية Empty رد: يا صوتها المليان حنية في الخميس ديسمبر 11, 2008 5:42 pm

lorka200

lorka200
مشرف عام
الـــــــــــــلــــــــه....
الــــــــــــــــــــــــلــــــــــــــه ..
ابو الشود
كلماتك فيها دفا..
فيقت فيي
أغاني الهوى
..وقلام المحبه...
متل رشفت مي...من نبع العشق
كلهم سوا..
قالوا انو الغني..بكي
...عليييييييي

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى