اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

اكلة ادلبية

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 اكلة ادلبية في الثلاثاء ديسمبر 16, 2008 9:34 pm

محمد1962

avatar
عضو
"الزنّانة" تعلن انتهاء موسم قطاف الزيتون
اصدقائي في هذا المنتدى الجميل قد لاتعرفون انني من مدينة ادلب الخضراء وانني كتزوج من فتاة سلمونية ولذلك اسمحوا لي ان اقدم لكم هذه الاكلة الادلبية الشهية التي تحضر فقط ايام موسم الزيتون

أيام قطاف الزيتون انقضت وبدأت ملامح موسم الزيت تتجلى. وكما هي العادة في "إدلب" "كل شغلة ولها أكلة" فموسم الزيت والزيتون لا يمر مرور الكرام خاصةً وأن شجرة الزيتون رمز المحافظة وموسم الزيت والزيتون هو المحصول الأساسي للمزارعين....


فالمأكولات الموسمية تبقى حاضرةً و"الزنّانة" هي إحداها والتي تتوافق مع انتهاء موسم الزيتون واستخراج الزيت ففي معاصر زيت الزيتون يجتمع أصحاب الأرزاق من زيت وزيتون في الغرفة المخصصة للجلوس ويبدؤون بصنع هذه الأكلة الشعبية التي تعتبر تقليدا سنويا في "إدلب" بعد الانتهاء من عصر زيت الزيتون الذي يعتبره المزارعون مصدر الدخل الأساسي فتكون الفرحة بهذا الإنتاج
والتي يعبر عنها بصنع "الزنّانة" والتي تتألف من الخبز والزيت المستخرج حديثاً والرمان حيث تغطى قطعة الخبز بالزيت كلياً ويكون هذا الزيت حارّ المذاق وتضاف إليه حبيبات الرمان البلدي الذي يأتي به المزارع إلى معصرة الزيت مع آخر أكياس الزيتون».


تشير "الزنّانة" إلى الكرم الذي يتمتع به شعب ادلب المضياف حيث يطوف صاحب الزيت الذي قام بصنع "الزنّانة" ويطعم جميع المتواجدين داخل المعصرة وقد يلجأ لاستخدام أكثر من (5)كغ من زيت الزيتون لهذه الأكلة الشعبية وهو متفائل فالجميع يهنؤونه بموسمه ويتمنون له موسماً أفضل في العام المقبل بقولهم "عقبال كل سنة".

وليس المهم في "الزنّانة" هو وضع الزيت أو الطعم وإنما الحالة الاجتماعية بين الفلاحين أنفسهم داخل مكان العصر والفرحة لمواسمهم الخيرة وتبادل التهاني بالإنتاج ولذلك لا تصنع إلا في معصرة الزيت وقد اختلف هذا التقليد بعض الشيء عن الأعوام السابقة فمع انتشار المعاصر الحديثة لم يعد بوسع المزارع صناعة "الزنّانة" كما كانت عليه فكان المزارع يأتي بالخبز ويغمره داخل جرن الزيت ثم يرفعه ويأتي بثمرة الرمان ويقسمها على شكل الوردة المتفتحة ثم يقوم بوضع حبيبات الرمان على قطعة الخبز المبللة بالزيت ويكرر هذه العملية عدة مرات حتى يأكل من زيته جميع الحاضرين وبذلك يكون قد أنهى موسمه ومضى وهو بكامل الثقة بأن البركة قد حلت بزيته المستخرج.

تجدر الإشارة بأن قطاف الزيتون يبقى مستمراً حتى آخر شهر كانون الثاني في "إدلب" ولكنه ينحصر في زيتون المائدة الأسود "العطّون".


2 رد: اكلة ادلبية في الأربعاء ديسمبر 17, 2008 1:19 am

اليسار

avatar
مشرف
تقليد رائع أتمنى أن يحافظ عليه الإدلبيون

شكلا تيبة هالأكلة

لازم نجربها ولا شو رأيكون؟

3 اهلا في الأربعاء ديسمبر 17, 2008 1:32 am

جوريه

avatar
مشرف
اهلين مره تانيه صهر سلميه

كتير حلو هالتقليد ماكنت اعرفه قبل عن اهل ادلب

كيف لقيت سلميه د محمد بعد ان تزوجت منها ؟؟؟؟

فضوليه شو بدك تعمل Very Happy Very Happy

4 رد: اكلة ادلبية في الأربعاء ديسمبر 17, 2008 2:14 am

محمد1962

avatar
عضو
يسلموا ياجورية على مرورك اللطيف اهل السلمية ظرفاء جدا ولو لم يكونوا كذلك ماتزوجت منهم ثانيا بالنسبة لهالاكلة الزنانة تقليد متبع في ادلب من زمن بعيد واتفضلوا انا عازمكم عليها متى شئتم انت وبقية الاعضاء

5 رد: اكلة ادلبية في الأربعاء ديسمبر 17, 2008 2:17 am

محمد1962

avatar
عضو
شكرا اليسار شكرا جورية على مروركم اللطيف اهل السلمية ظرفاء جدا ولو لم يكونوا كذلك ماتزوجت منهم ثانيا بالنسبة لهالاكلة الزنانة تقليد متبع في ادلب من زمن بعيد واتفضلوا انا عازمكم عليها متى شئتم انتم وبقية الاعضاء

6 رد: اكلة ادلبية في الأربعاء ديسمبر 17, 2008 3:46 pm

lorka200

avatar
مشرف عام
د محمد..
كيفك..
هلا اول تعا ع سلميه وكول منسف متل مااتفقنا وبعدين بنكل عندكم زنانه..ياصهري ومسند ضهري هيك بيقولو بسلميه..ونحنا كان في عنا عاده كتير حلوه انو البيت اللي بيطبخ اكله منيحه مثلا محشي او برغل بحمص او هريسه قمح بيوزع بصحون جزء من الاكله ع الجيران..والجيران يقومون بنفس الشيء ..ولكن كل مالها هالعادات اللي كتير حلوه وبتقوي روابط الود بين الناس ..عم تزول .......؟؟؟
ليش والله مابعرف

7 رد: اكلة ادلبية في الإثنين ديسمبر 22, 2008 5:41 am

shadi79

avatar
عضو
دكتوررررر رحعتني شي 5 سنين من عمري
لما كانت اخر مرة بكون في الضيعة مع والدي لما قطفنا الزيتون ورحنا نعصرهم في المعصرة
وكان دورنا بالليل وبتعرف سهرات المعصرة مثل العرس في الموسم
كانت الدني صيف وجمعه حلوة واكلنا يومها زنانة
طبعاااا لاني انا ادلبي كمان بعرف هالاكلةوهي وحدة من الاكلات المباركة في مواسمنا

8 رد: اكلة ادلبية في الإثنين ديسمبر 22, 2008 12:25 pm

محمد1962

avatar
عضو
الاخ شادي تحياتي لك انت ادلبي كما تقول هل انت متزوج من سلمونية كما انا على كل الذكريات حلوة وخاصة ايام الزيت والزيتون
الاخ لوركا جهز حالك انا جاي سوريا في 20 كانون ثاني ولازم زور حماتي وعديلي في السلمية واكيد رح اتصل فيك جهز المنسف كما وعدت
تحياتي لرشا زوجتك ولابنك الذي لا اعرف اسمه

9 رد: اكلة ادلبية في الإثنين ديسمبر 22, 2008 12:36 pm

shadi79

avatar
عضو
دكتور أنا بدي أتأسف على 3 شغلات
1: انا ما متزوج من السلمية
2: انا لحد الان ما اتزوجت
3: في زمان حدا قادر يتزوج يا دكتور

بس بوافقك بشغلة اهم من الزواج بما انه فيها اكل
جهز المنسف يا لوركا



عدل سابقا من قبل shadi79 في الإثنين ديسمبر 22, 2008 12:40 pm عدل 1 مرات

10 رد: اكلة ادلبية في الإثنين ديسمبر 22, 2008 12:39 pm

اليسار

avatar
مشرف
رشا الي معنا هي اختي ايوا

مو زوجة لوركا

ديروا بالكون من الخطأ

11 رد: اكلة ادلبية في الإثنين ديسمبر 22, 2008 12:44 pm

shadi79

avatar
عضو
حلوووووووو اكتشفني شئ
اذا قلنا
اليسار اخت زوجة لوركا
ولوركا زوج رشا
معناها اليسار اخت رشا

شفتوا انا شو زكي

والله هلق عرفنا شو القرابة بين لوركا ورشا واليسار
على كل حال تشرفنااااااااااااا فيكم

12 رد: اكلة ادلبية في الإثنين ديسمبر 22, 2008 12:48 pm

اليسار

avatar
مشرف
لك شادي

شبنا؟؟!!

رشا مو زوجة لوركا
هي اختي وبس

ورشا زغنوتة بعدا عم تدرس بالجامعة

يوه يوه

13 رد: اكلة ادلبية في الإثنين ديسمبر 22, 2008 1:00 pm

shadi79

avatar
عضو
هلق شوفي اليسار انا هيك قريت من تعليق الاخ محمد انه رشا زوجة لوركا
وعلى كل حال اكيد صار تشابه اسماء
وبتمنى لاختك النجاح والسعاده

ولا تزعلي وما تفكري انها رح تبقى دلعوتك الصغيرة بكرا بتخلص دراسة وبيجي عريس الهنا وبيخطفها منك

14 رد: اكلة ادلبية في الإثنين ديسمبر 22, 2008 1:21 pm

رشـــا

avatar
عضو
شو ما في رشا غيري بالدنيي

لك كل سلمية إسمون رشا Shocked

لوركا زوجتك إسما رشا كمان Shocked ؟

15 رد: اكلة ادلبية في الإثنين ديسمبر 22, 2008 1:26 pm

اليسار

avatar
مشرف
هههههههههههههههههه

16 رد: اكلة ادلبية في الإثنين ديسمبر 22, 2008 1:42 pm

محمد1962

avatar
عضو
اليسار عمهلك خدي نفس اختك اسمها رشا
وزوجة لوركا
اسمها رشا
وبنت اختي اسمها رشا
وبنت ابن حماي اسمها رشا
بس كل رشا بتختلف عن الرشا التانية
وين المشكلة تشابه اسماء فقط لاغير تمنياتي لرشاك اي اختك بالنجاح

17 رد: اكلة ادلبية في الإثنين ديسمبر 22, 2008 5:14 pm

lorka200

avatar
مشرف عام
مررررررررررررحبا..يييييييييييييييييييييييييييييييي
شو هالحكي هلا الموضوع هاد تحديدا الي يومين ماشفتو طلع كل الحكي بيخصني وانا مابعرف..ديروبالكم ترابيصير الدم للركب ها..........على كل انا زوجتي اسمها رشا وهي قريبا رح تسجل بالمنتدى..وابني الصغير اسمو علي..
كانت اليسار وعدتني تعلمني كيف بنزل صور وماوفت بوعدها منشان حط صورة علي ..مومشكله

الله يسامح كلشي استغيبني وحكي ..
رشا واليسار انتو من عظام الرقبه وماحدا بيزعلكم.........
دمحمد..شو مخوفنا انت اوصل بالسلامه وماعليك نحنا جاهزين... وشادي كمان لازم تجو سوا ع سلميه سمعان ياشادي..وممكن نلتقي مع ابو طلاال والعاشق الولهان..وجوريه جايه كمان هاد الشهر اذا حبت بنلتقي فيها..وكمان سلمى رح تجي..ممكن نلتقي كلنا سوا بيضل اليسار ورشا بيحاولوا يجوا منشان المجموعه تكتمل..
وبيضل النسر السوري ورواد والمدير العتيد بالامارات...وبنحكي معهم ماسينجر
اتفقنا

18 رد: اكلة ادلبية في الثلاثاء ديسمبر 23, 2008 8:06 am

رواد زيدان

avatar
مشرف
اي والله فكرتكم حلوة يا لوركا ليش لا وانا بعرف انت سباق لهالشغلات بس المشكلة رح تروح علنا نحنا اللي ما فينا نجي كنت متامل كون معكم هلق بس متل ما بيقولو
لاتكرهو شيئا
تحياتي


_________________
احن الى خبز
امي وقهوة امي
ولمسة امي[b][i]

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى