اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

آخر قصيدة للشاعر أحمد فؤاد نجم

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 آخر قصيدة للشاعر أحمد فؤاد نجم في الأربعاء ديسمبر 31, 2008 12:43 am

سمارتلدره


عضو

*
*
أقدم لكم

آخر قصيدة للشاعر الشعبي المصري الأصيل

أحمد فؤاد نجم

في الريس حسونه النونه
*
*

نؤيد سيادتك لفترة جديدة


نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

*****
نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده ف ايده الخلاص

*****
نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

*****
نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

*****

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

*****

دي مصر بتاعتك و احنا ضيوفك

كفايا علينا يا ريس نشوفك

و عاذرين سيادتك و فاهمين ظروفك

عليك بس تؤمر و احنا نطيع

*****

في جزمة سيادتك كلابك يبوسوا

و فوق الغلابة بجزمهم يدوسوا

و شعبك ليلاتي يا ريس غموسه

مذلة و مهانة و حوجة و مر

*****

لكن يعني ما دمنا شعب انتساب

و دايما وأبدا ف حالة غياب

متعملش لينا يا ريس حساب

دي عزبة سيادتك و فيها انت حر

*****

و دستور مدستورش مش فارقة خالص

كلام فاضي كله يا فندم بناقص

كفايا علينا الفساد اللي ماصص

عرقنا و معشش و ضارب جذوره

*****

و ايه يعني تهري جتتنا البلاوي

يوماتي كوارث فضايح رشاوي

كفايا علينا القعاد في القهاوي

بنستنى لما الوريث ييجي دوره
*
*
تقبلوا تحياتي
*
سمار
*
*

2 رد: آخر قصيدة للشاعر أحمد فؤاد نجم في الأربعاء ديسمبر 31, 2008 12:49 am

سمارتلدره


عضو


*
*
وهذه قصيده

عريس الدولــــه


عن جمال مبارك بمناسبة زواجه مؤخرا

بعنـــــوان



عريس الدولة
*

مبروك يا عريسنا




يا أبو شنة ورنة


يا واخدنا وراثة


أطلب وإتمنى


وأخرج من جنة


أدخل على جنة


مش فارقة معانا


ولا هارية بدنا


ولا تاعبة قلوبنا


ولا فاقعة بيضاننا


يا عريس الدولة


إفرح وإتهنى


ما احناش كارهينك


لكن هارشينك


حا تكمل دينك


وتطلع ديننا




*


سمار

*

*

3 رد: آخر قصيدة للشاعر أحمد فؤاد نجم في الأربعاء ديسمبر 31, 2008 2:30 am

محمد1962


عضو
شكرا سمار قصيدة حلوة

4 رد: آخر قصيدة للشاعر أحمد فؤاد نجم في الأربعاء يناير 28, 2009 6:56 am

فارس


عضو
احلى حكي...

5 رد: آخر قصيدة للشاعر أحمد فؤاد نجم في الأربعاء يناير 28, 2009 6:01 pm

lorka200


مشرف عام
مشكور سمار
احمد فؤاد نجم...
تجربه رائعه ..وحياة سودا

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى