اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

قل كلمتك.... و امشي ....

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 قل كلمتك.... و امشي .... في الخميس مارس 12, 2009 5:59 am

HUSSINE


عضو
كل ما اصطدمنا بالواقع بنستغرب و بنتلفت حوالينا ....
و مو بس باول مرة بكل مرة نفس العملية .......
انو معقولة يا ناس شو عامل لالله انا بنقول و بنكرر ....
شي طبيعي صاير انو:
الصغير ما بيحترم الكبير
و الاهل ما يهتمو بالقدر الكافي باولادهن
و الغني يشمئز من الفقير
و الفقير يحقد عالغني
و الشاطر يتكبر عالكسلان
و الكسلان يحسد المجتهد
و البايع ينصب عالشاري
و الشاري ياكل مصاري عالتاجر
و القوي ياكل الضعيف
و الضعيف يتأمر عالقوي
و مو بس هيك :
و بنرجع بنستغرب و كل واحد من موقعو طبعا يعني :
الاهل بيستغربوا ليش ابنهن ما افلح
و الابن بيستغرب ليش الله رزقو هيك اهل
و و و ......
و الكل عندو وجهة نظرو خاصة كمان
و بدو وجهة نظرو تضل محترمة ..حقو طبعا يرغب باللي بيتمناه .....بس
خلونا نحكي بس نحكي انا مو عم قول نتفلسف و لا نتذاكا عبعض عم اطلب شغلة بسيطة نحكي يعني مو ضروري نكون متفقين بس عالاقل و هيدا الشي المطلوب و بالحاح انو نحكي مع بعض ..
بمعنى تاني اوضح ندير الخلاف مو ضروري نحلو بالوقت الحالي بس عالاقل ما نتركوا يتفاقم
و الى اللاعودة كمان
انا مو عم قول انو ما انحلو ابدا لا مو هيك قصدي بس كلشي عم اقترحو انو نتعايش و بسلام و بوجود الخلاف بيناتنا
و نستمر نتناقش و نحاول ....
و بالمناسبة في كتير مشاكل حلها الزمن و ما بيحلها غير الزمن -مرور الزمن قصدي -
فخلونا نطول بالنا شوي و هي دعوة لنفسي قبل غيري و نشوف ليش الاخر عم يتصرف بهالطريقة و شو اللي قانعو انو تصرفو هوي الصح
بجوز نتفهمو حتى لو بقينا مختلفين معو
طيب و بعدين ؟؟؟!!!!
شو الحل ؟؟؟

2 رد: قل كلمتك.... و امشي .... في السبت مارس 14, 2009 4:19 am

مدير المنتدى

avatar
Admin
أهين أبو علي ...
في عندي مشلكة انا لما عم اقرأ كتاباتك ..
طبعا هي مشكلتي أكيد ...
هلق المشكلة الاساسية . ... أنو دائما بحس لما بقرأ كتاباتك بحس انو في مشكلة .... مع انو مافي مشكلة .
أنت عندك أصراح كبير على حل المشاكل و تصفية القلوب بشكل عام و انو نتعايش بسلام بوجود الخلاف بيناتنا .
مو هو اصلا نحنا عايشين بسلام و المشاكل و الخلافات التي تحدث على الصعيد العام ,, ليست بتلك المشاكل الكبيرة التي تستدعي الحلول العاجل و الزمن كما قلت ربما كفيل بحلها . و نحنا حاليا اذا كنا مختلفين مع بعض او مع الاخرين . انا مع انو يضل الخلاف . بس نتفق على شغلة أنو مايتحول الى خصام و قطيعة . يعني لو اسقط ذلك على مايحدث في الاجواء العربية العربية . أنا مع انو نكون مختلفين بالمواقف مع مصر و السعودية . بس ماني كتير مع القطيعة . و بتوقع هيك تم الاتفاق بقمة الرياض الأخيرة . قبل أيام ,
لنرجع لموضوعنا الصدمة مع الواقع .. ماعد فيني أشعر فيها لأن انا أصلا عايش بالواقع فكيف بدي انصدم فيه و مدام أنو صار طبيعي أنو كما قلت الصغيرما بيحترم الكبير و الغني يشمئز من الفقير .. فإذا هذا صار طبيعي فوين الصدمة .
و بعدين إلي وجهة نظر أنا بكلامك الاخير المتعلق بالاخر .
يعني انا بتقبل الأخر لما بكون في منطق و أسس بنا عليها هذا الأخر موقفوا . أما يكون الاخر عم يحكي غلط فأكيد انا مارح اقبل بهذا الاخر . يعني مو كل ماطلع واحد علينا و حكى بيجيك واحد بقلك يأخي حقوا لازم تتقبل الطرف الأخر و تسمعوا . هي نقطة كتير مهمة حسين يعني هذا الاخر لحتى اتقبل فيه بدو يكون عم يقدم شي منطقي . يعني مثلا من فترة بسيطة أحد الاصدقاء عم يناقشني بأنو سلمية طول عمرها مسكونة مانهجرت و انو موصحيح موضوع الفرمان العثماني يلي صدر بـ 1848 بخصوص اعمار شرق العاصي و طبعا هوي مصر على رأيو بأنو التاريخ مزور . فطبعا لما الأخر بصير يحكي شروي غروي و يخبص أكيد أنا مارح أقبل فيه أو اني اتقبلوا .
تحياتي ـــــــــــ

http://albaday.roo7.biz

3 رد: قل كلمتك.... و امشي .... في السبت مارس 14, 2009 4:47 am

HUSSINE


عضو
اكيد الحوار لازم يبقى ضمن اصول المنطق و العقل السليم و منشان هيك اطرحت موضوع الزمن لانو ممكن نوصل لجدران مسدودة مع بعض الناس و خصوصا بغياب الثقة بالنفس و بالاخر و منشان هيك عم قول قل كلمتك و امشي لانو ممكن الكلمة ما تجيب نتيجة مباشرتا ........و اهلين ابو ريتا

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى