اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php

دخول

لقد نسيت كلمة السر



بحـث
 
 

نتائج البحث
 


Rechercher بحث متقدم

المواضيع الأخيرة
» عودة التنورة المزركشة
الجمعة سبتمبر 25, 2009 6:10 pm من طرف lorka200

» كشف الستار
الجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الجمعة سبتمبر 18, 2009 8:13 pm من طرف lorka200

» إنها تمطر في سلميه
الجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الخميس سبتمبر 17, 2009 5:25 pm من طرف lorka200

» الثقافة و المثقفين
الخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الخميس سبتمبر 17, 2009 1:06 am من طرف بوعلي

» أغبى فتاوى في الاسلام
الثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

محاورة المتــّـه

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 محاورة المتــّـه في الأحد نوفمبر 23, 2008 10:13 am

سمارتلدره

avatar
عضو
[center]

:affraid:

*
*
رح قرقعلكم محاوره

شبه كاسة مته ..... شبه شعر... شبه زجل!!!!!!! شبه عتابا !!!

!شبه مدري شو؟؟؟

يلا خليها شبه مته
*
*

المته المته عالمته

هو

اعمليلي كاسة مته

والحقيني لبرّه

ولا تنسي الغاز تجيبيه

لنسخن أكتر من مرّه

وخلي ريما ترشرش ميّ

مبارح قتلتنا الغبره

وشوفي خييك عالجوال

بيمضيها قيل وقال

الموالح يستعجلها

هادي ستو منتظره

هي

شو مابقلك عالمته

بتقلي حاجي تلتي

والله كرهت المصاصه

والصينيه والكاسه

والعدة اللي ما بتهدا

والبزر وطراحة ستي

قبل عيونك ما تفتح

عالمته بتصير ترندح

وان العده جيبوها

لحتى فيك تصحصح

ويمكن بره نسيناها

والدنيا بدها تشتي

شوف المجلى عمرانه

بالكاسات المليانه

الرحمه ملاّت من الجلي

بحضي بديني برقبتي

هو

حديّجتنا صارت ملفى

للجلسات الحميمه

جارتنا ام اسماعيل

وخدوج وبنتا سليمه

مرّ فلان وقال فلان

ومرْت فلان وبنت فلان

وفلان اللي مرقت مرتو

وزورتنا زوره لئيمه

فلانه بتحبه لفلان

وفلان بيعشق ع مرتو

وفلانه أخدت ابن فلان

الجدد موبايل بنتو

هادا بعرف النسوان

تسلايه وكاسة مته

وانا برأيي يافلان

هادي هيي النميمه

هي

بشرب المته بسلميه

اسبقنا الارجنتينيه

والنبك ويبرود ومصياف

ومحرده ودير عطيه

وطرطوس وكل ضياعا

لك وكل الديره الغربيه

وحديجتنا ما بترتاح

حتى بعز الشتويه

شي بيقولو للتنحيف

وشي بيقولو للكليه

وكله حكايا وتخريف

بالقيمه الغذائيه

هو

حول عالمته ياجار

لساتا بأول نقعه

عمترغي متل الصابون

شاطر انا بهالصنعه

بلحّق عالكل ومابمل

وعالنسوان المجتمعه

ما بتقطع ابدا بالمره

خدلك شي كاسه مره

حاجه مقضاها تفكير

بالجوال والفواتير

والخضره وهم الولاد

حاجتنا شقا وتعتير

اضربلك شي كاسة مته

هي

المته كلها فوايد

بتشيل الهم الزايد

لولا انك ما تشرشر

ومبقع كل هدومك

ابريق بضهر ابريق

من لمّا بتصحى من نومك

وبتشرب مته عالريق

مفكر بتروح همومك

وعالحمام رايح جايي

وعحالك عم بترتر

المته المته عالمته

يا ويلي اندلق الابريق

عالطراحة يا ستي
*
*
*
سامحونا

وقرقعولنا رد... شبه رد ....شبه مته

وتسلموا لسماركم

ومشتهي اشرب كاسة مته معكن
*
*
سمار
*
*

2 رد: محاورة المتــّـه في الأحد نوفمبر 23, 2008 4:01 pm

ola

avatar
عضو
جميـــــــل جدا جدا جدا
مشكووووووووور

3 رد في الأحد نوفمبر 23, 2008 4:34 pm

lorka200

avatar
مشرف عام
اللله ياسمار مااطول بالك...

على كل الاحوال هي دعوه مفتوحه ..رسميه اعتبرها لشرب قدح...(مته أو غير مته)
بس دير بالك ينكب الابريق



تقبل مروري ..ودعوتي

4 رد: محاورة المتــّـه في الأحد نوفمبر 23, 2008 10:30 pm

سمارتلدره

avatar
عضو
تحياتي وحبي لسلميه الحبيبه وتلدره الأغلى

شكرا لمروركمأ أخوي الروحيين علا ولوركا

كلماتكم أعطت للحروف بريقا وأشعرتني بالدفء

شكرا لكما

سمار تلدره
*

5 رد: محاورة المتــّـه في الإثنين ديسمبر 15, 2008 2:56 pm

رشـــا

avatar
عضو
معك حق يا سمار

بس ما شفت الموضوع من قبل

بس اللي مستغربتو إنو صورة كاستي المتة اللي أنا صورتا شو جابا لردك لهون ؟

أنا من زمان مصورتا ع فكرة بس ما تخيلت توصل لعندك

6 رد: محاورة المتــّـه في الأربعاء ديسمبر 17, 2008 11:27 am

سمارتلدره

avatar
عضو
رشـــا كتب:معك حق يا سمار

بس ما شفت الموضوع من قبل

بس اللي مستغربتو إنو صورة كاستي المتة اللي أنا صورتا شو جابا لردك لهون ؟

أنا من زمان مصورتا ع فكرة بس ما تخيلت توصل لعندك
هلا رشا
كاستك هي؟؟؟
مو غريبه؟؟ وصلتني ايميل بتالي الليل
وكنت نعسان بس لما شفتها اشتهيت المته وما توانيت عالسريع عملت ضرب مته
اقترح على الاداره دمج الموضوعين

شكرا رشا وكل من مر عالمحاوره

سمار
[/b]

7 رد: محاورة المتــّـه في الأربعاء ديسمبر 17, 2008 11:33 am

رواد زيدان

avatar
مشرف
مسا الخير
سمار الك عندي سؤال
هل انت مقيم في تل الدرة يعني في سلمية
اذا مقيم في سلمية فيا بختك ويا حظو اللي بيشرب كاسة متة معك لانو المتة برا سلمية صدقني بلا طعمة
تحياتي


_________________
احن الى خبز
امي وقهوة امي
ولمسة امي[b][i]

8 رد: محاورة المتــّـه في الجمعة ديسمبر 19, 2008 9:54 pm

رشـــا

avatar
عضو
يا رواد المتة بدها تنعمل ع أصولا لتطلع طيبة برا سلمية

شوف الصورة اللي حاطتها سمار , هي صورتا بالشارقة وعليها رغوة وطيبة وما أحلاها

ومبسوطة إنو انتشرت ع النت وصارت تنبعت إيميلات ههههههههههه

9 رد: محاورة المتــّـه في السبت ديسمبر 20, 2008 3:25 am

سمارتلدره

avatar
عضو
رواد زيدان كتب:مسا الخير
سمار الك عندي سؤال
هل انت مقيم في تل الدرة يعني في سلمية
اذا مقيم في سلمية فيا بختك ويا حظو اللي بيشرب كاسة متة معك لانو المتة برا سلمية صدقني بلا طعمة
تحياتي

هلا رواد

تلدره او سلميه او اي مكان في القرية العالميه

يكفي لأن تشعر نفسك بسلميه وانت تتصفح منتدى سلميه الاول

ووقتها بتحلى كاسة المته

اشكرك وادعوك لشرب كاسة معي وانا سوف اكون سعيدا ان اصب لك

تحية لرشا صاحبة الصوره التي اثارت كل التداعيات المتتيه او المتيه

سلامي لكم

سمار

10 رد: محاورة المتــّـه في السبت ديسمبر 20, 2008 5:09 am

رواد زيدان

avatar
مشرف
رشـــا كتب:يا رواد المتة بدها تنعمل ع أصولا لتطلع طيبة برا سلمية

شوف الصورة اللي حاطتها سمار , هي صورتا بالشارقة وعليها رغوة وطيبة وما أحلاها

ومبسوطة إنو انتشرت ع النت وصارت تنبعت إيميلات ههههههههههه

والله معك حق يا رشا المتة لازم تكون على اصولها بس صرلي سنتين بابو ظبي ولا مرة شربت كاسة متة متل ما بحب اشربهامدري نوعية المتة مدري المي مدري النفس على المتة اتغير ما عم اعرف
تحياتي


_________________
احن الى خبز
امي وقهوة امي
ولمسة امي[b][i]

11 رد: محاورة المتــّـه في السبت ديسمبر 20, 2008 5:15 am

رواد زيدان

avatar
مشرف
هلا رواد

تلدره او سلميه او اي مكان في القرية العالميه

يكفي لأن تشعر نفسك بسلميه وانت تتصفح منتدى سلميه الاول

ووقتها بتحلى كاسة المته

اشكرك وادعوك لشرب كاسة معي وانا سوف اكون سعيدا ان اصب لك

تحية لرشا صاحبة الصوره التي اثارت كل التداعيات المتتيه او المتيه

سلامي لكم

سمار

[/quote]

معك حق سمار انا صار المنتدى يعنيلي كتير لانو بيخليني حس انو انا قريب كتير من سلمية
ومتل ما قلتلك من حظو اللي رح يشرب معك كاسة متة وخصوصا اذا كانت قعدة سمر ممزوجة باشعارك
تحياتي


_________________
احن الى خبز
امي وقهوة امي
ولمسة امي[b][i]

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى