الاخ حكم :
بعد اطلاعي على كامل مشاركاتك السابقة و تعليقاتك و ردودك عالمشاركات اتضحت لي وجهة نظرك بالمواضيع خاصتي و بعتقد انو صار عندي فكرة و لو بسيطة عن سبب ردك القاسي و الغير منصف بحقي .
انا بحب اكدلك انو بكل كتاباتي السابقة انا ما كنت عم وجه الكلام مخصوص لحضرتك باي شكل من الاشكال و فيك تكون اكيد انو التشابه بالمواضيع المطروحة او المعلق عليها من قبلك مع المواضيع الواردة بكتاباتي كان تشابه محض صدفة و ما فيه اي نية قصدية من طرفي .
و بعتقد انو هي شغلة متوقعة كون اي حدى بيفكر يكتب عن سلمية اول شي رح يخطر ببالو موضوع سلمية مدينة الفكرو الكفر ....
و لما اتطلعت عمحتويات ارشيف الدردشة بالمنتدى تسنالي الفرصة انو افهم من الحديث اللي دار بين الاخ فارس و الاخ رواد انو في اعتقاد عندك انو كلمة المفدى الواردة بمقالتي الدمعة موجهة الك و كمان مرة باكدلك انو هالشي مو صحيح مدير المنتدى صديق قديم و عزير عليي و الكلام جملة و تفصيلا كان موجه الو و فيك تسالو اذا حبيت لانو التنابذ بالالقاب هوي شي عادي و محبب بيناتنا انا و ايهم و المفدى كانت موجهة الو و بخصوص حرف العطف فهو جزء من اسلوبي بالكتابة مو اكتر من باب التاكيد عالفكرة ....
و اذا بتسمحلي انا عندي عتب صغير تجاهك .
اول شي انا لو اني قريت كتاباتك قبل ما اكتب او بعد و حبيت رد عليك شخصيا انا ما كنت رح اتوانى عن اني وجه الكلام مباشرتا الك و بالاسم كمان لاني بعتقد اني بملك الشجاعة الكافية لاعمل هيك و بنفس الوقت انا اكيد اكيد انو مو من طبيعتي و لا بيكون تصرف لبق من طرفي اني اغمز من قناتك او قناة اي عضو اخر لانو نحنا هون بالاساس لنحاور مو لنتناكد و الاحرى بالكل انو يسمي الامور باسمائها مو يغمز و يلمز ....
على كل الاحوال انا ما بعرفك شخصيا و لا بعرف حتى اسمك الكامل شو هوي و ما بعرف اذا انت بتعرفني بس بحب قلك انو بيشرفني اتعرف عليك كاعضاء بنفس المنتدى مع بعض و اذا سمحت الظروف بيشرفني اتعرف عليك شخصيا عند اول زيارة الي عسوريا ...
انا بشكرك عشجاعتك بالتراجع عن موقفك الظالم تجاهي و بحب اعتذر من اعضاء المنتدى جميعا عالتوتر اللي حصل بسبب هالموضوع .
و ما في صحبة الا بعد عداوة .......
ملاحظة: انا رح زور سوريا انشاء الله الشهر القادم بتمنى نبقى عتواصل بالمنتدى و عالمستوى الشخصي كمان ......
بعد اطلاعي على كامل مشاركاتك السابقة و تعليقاتك و ردودك عالمشاركات اتضحت لي وجهة نظرك بالمواضيع خاصتي و بعتقد انو صار عندي فكرة و لو بسيطة عن سبب ردك القاسي و الغير منصف بحقي .
انا بحب اكدلك انو بكل كتاباتي السابقة انا ما كنت عم وجه الكلام مخصوص لحضرتك باي شكل من الاشكال و فيك تكون اكيد انو التشابه بالمواضيع المطروحة او المعلق عليها من قبلك مع المواضيع الواردة بكتاباتي كان تشابه محض صدفة و ما فيه اي نية قصدية من طرفي .
و بعتقد انو هي شغلة متوقعة كون اي حدى بيفكر يكتب عن سلمية اول شي رح يخطر ببالو موضوع سلمية مدينة الفكرو الكفر ....
و لما اتطلعت عمحتويات ارشيف الدردشة بالمنتدى تسنالي الفرصة انو افهم من الحديث اللي دار بين الاخ فارس و الاخ رواد انو في اعتقاد عندك انو كلمة المفدى الواردة بمقالتي الدمعة موجهة الك و كمان مرة باكدلك انو هالشي مو صحيح مدير المنتدى صديق قديم و عزير عليي و الكلام جملة و تفصيلا كان موجه الو و فيك تسالو اذا حبيت لانو التنابذ بالالقاب هوي شي عادي و محبب بيناتنا انا و ايهم و المفدى كانت موجهة الو و بخصوص حرف العطف فهو جزء من اسلوبي بالكتابة مو اكتر من باب التاكيد عالفكرة ....
و اذا بتسمحلي انا عندي عتب صغير تجاهك .
اول شي انا لو اني قريت كتاباتك قبل ما اكتب او بعد و حبيت رد عليك شخصيا انا ما كنت رح اتوانى عن اني وجه الكلام مباشرتا الك و بالاسم كمان لاني بعتقد اني بملك الشجاعة الكافية لاعمل هيك و بنفس الوقت انا اكيد اكيد انو مو من طبيعتي و لا بيكون تصرف لبق من طرفي اني اغمز من قناتك او قناة اي عضو اخر لانو نحنا هون بالاساس لنحاور مو لنتناكد و الاحرى بالكل انو يسمي الامور باسمائها مو يغمز و يلمز ....
على كل الاحوال انا ما بعرفك شخصيا و لا بعرف حتى اسمك الكامل شو هوي و ما بعرف اذا انت بتعرفني بس بحب قلك انو بيشرفني اتعرف عليك كاعضاء بنفس المنتدى مع بعض و اذا سمحت الظروف بيشرفني اتعرف عليك شخصيا عند اول زيارة الي عسوريا ...
انا بشكرك عشجاعتك بالتراجع عن موقفك الظالم تجاهي و بحب اعتذر من اعضاء المنتدى جميعا عالتوتر اللي حصل بسبب هالموضوع .
و ما في صحبة الا بعد عداوة .......
ملاحظة: انا رح زور سوريا انشاء الله الشهر القادم بتمنى نبقى عتواصل بالمنتدى و عالمستوى الشخصي كمان ......
