هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
اعلان هام : لقد أغلق باب التسجيل والمشاركة في هذا الموقع الذي يبقى فقط للتصفح..شاركونا بكتاباتكم وأفكاركم في الموقع الجديد للبدوي الأحمر على الرابط http://albadawyala7mar.com/vb/index.php
دخول

لقد نسيت كلمة السر



بحـث
 
 

نتائج البحث
 

Rechercher بحث متقدم

أفضل 10 أعضاء في هذا المنتدى
lorka200
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
رواد زيدان
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
محمد1962
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
مدير المنتدى
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
علا
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
قيصر سلمية
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
جوريه
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
رشـــا
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
بوعلي
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 
HUSSINE
الطب في الزمن الحاضر هل ما زال مهنة انسانية أم مهنية تجارية Emptyالطب في الزمن الحاضر هل ما زال مهنة انسانية أم مهنية تجارية I_voting_barالطب في الزمن الحاضر هل ما زال مهنة انسانية أم مهنية تجارية I_vote_lcap 

المواضيع الأخيرة
» عودة التنورة المزركشة
الطب في الزمن الحاضر هل ما زال مهنة انسانية أم مهنية تجارية Emptyالجمعة سبتمبر 25, 2009 6:10 pm من طرف lorka200

» كشف الستار
الطب في الزمن الحاضر هل ما زال مهنة انسانية أم مهنية تجارية Emptyالجمعة سبتمبر 25, 2009 5:16 pm من طرف lorka200

» mya137.....أبـ(سوريا)ـن.....ronel79...النور الوردي
الطب في الزمن الحاضر هل ما زال مهنة انسانية أم مهنية تجارية Emptyالجمعة سبتمبر 18, 2009 8:13 pm من طرف lorka200

» إنها تمطر في سلميه
الطب في الزمن الحاضر هل ما زال مهنة انسانية أم مهنية تجارية Emptyالجمعة سبتمبر 18, 2009 6:20 pm من طرف خياط السيدات

» إدلبي في الكاميرون
الطب في الزمن الحاضر هل ما زال مهنة انسانية أم مهنية تجارية Emptyالجمعة سبتمبر 18, 2009 11:46 am من طرف خياط السيدات

» تقرير خاص عم توزيع الحصص التموينيه في سلميه( سلميه تساعد ابناءها )
الطب في الزمن الحاضر هل ما زال مهنة انسانية أم مهنية تجارية Emptyالخميس سبتمبر 17, 2009 5:25 pm من طرف lorka200

» الثقافة و المثقفين
الطب في الزمن الحاضر هل ما زال مهنة انسانية أم مهنية تجارية Emptyالخميس سبتمبر 17, 2009 4:12 pm من طرف اميمة

» سلميه ...تبدأ بمساعدة ابنائها
الطب في الزمن الحاضر هل ما زال مهنة انسانية أم مهنية تجارية Emptyالخميس سبتمبر 17, 2009 1:06 am من طرف بوعلي

» أغبى فتاوى في الاسلام
الطب في الزمن الحاضر هل ما زال مهنة انسانية أم مهنية تجارية Emptyالثلاثاء سبتمبر 15, 2009 2:55 pm من طرف mr.aadm


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

 » الصحة العامة » أخبار طبية » الطب في الزمن الحاضر هل ما زال مهنة انسانية أم مهنية تجارية

الطب في الزمن الحاضر هل ما زال مهنة انسانية أم مهنية تجارية

4 مشترك

اذهب الى الأسفل  رسالة [صفحة 1 من اصل 1]

shadi79

shadi79
عضو

من مرحلة مريرة قد مررت بها في الايام الماضية جعلتني اجول النسبة الاكبر من مشافي مدينة حلب والصيدليات الموجودة فيها
حيث كنت ابحث عن نوع من انواع الدواء لأنجي طفل عمره ثلاث سنين ونصف من الموت المحتم خلال ساعات حسب نتائج الاطباء
وقابلت الكثير من الاطباء والصيادلة في جولتي
وكان لهم طابع من التعامل سوف اتكلم عنه بعد أن اسمع أجابتكم عن سؤالي
هل الطب في زماننا الحاصر مهنة انسانية ام مهنية تجارية مثل كل المهن الغاية منها مادية
يرجى قبل الاجابة ان يستعيد كل شخص منكم مرحلة مرى بها وهو يتعامل مع المشافي او الاطباء بسبب مرضه او مرض اي شخص مقرب له


مع دعاء للجميع ألا يحتاج احدمنكم التعامل معهم

2الطب في الزمن الحاضر هل ما زال مهنة انسانية أم مهنية تجارية Empty رد الثلاثاء نوفمبر 25, 2008 11:11 am

جوريه

جوريه
مشرف

موضوع جدير بالاهتمام فعلا وشكرا لك على طرحه

من واقع تجربه شخصيه في المشافي الخاصه والمشافي الحكوميه انطلق برأيي
عندما نمرض ونحتاج الى دكتور اغلبنا يتوجه الى المشافي الحكوميه لانها مجانيه ندخل على الدكتور تراه مالو خلق يقوم عن كرسيه وحتى يعاينك ..كل ما هنالك بقلك شو بيوجعك بتكون انت من شده المك بلشت تشرحلو بالتفصيل حالتك وكيف وصلت لهون وهيك بتكون ريحته من التشخيص وانه يتعب نفسه باكتشاف ما تعاني منه يادوب بيخربشلك راشيته سعرها نار وبيقلك روح اشتريها منصيدليه خارج المستشفى
(لاننا نعلم ان بالمستشفى مافي غير دوا سعله وبنادول )
اما اذا كان الواحد وضعه المادي شوي مرتاح بيسحب حالو وبيروح مشفى خاص طبعا بيستقبله استقبال الملوك من اول وصوله وبيبدأو يدفعوا كل خطوه بمبلغ وقدره حتى يوصلو للدكتور هون بيجي دور الدكتور وكأنك اخر فرصه بعمره بيبلش يطلب منك تحاليل الها داعي وتحاليل ما دخلها بحالتك لا من قريب ولا من بعيد وصور واشعات ويمكن يطلبلك عمليه ويشلك اي زوائد بجسمك متل المراره والزايده بيقلك ما هي زايده شو بدك فيها ؟؟؟ وادفع بتكتشف بالاخر انه كان عندك شويه برد بعد ما بتكون دفعتلك هديك الحسبه ...فعلا الطب في عصرنا هذا اصبح مهنه تجاريه بحته والمستشفيات مسالخ...لدرجه ما صفى عندي ثقه بالجهتين لا الحكوميه ولا الخاصه طيب وين نروح ؟؟؟في زمن اصبحت فيه حياه الانسان ارخص شئ

shadi79

shadi79
عضو

مشكورة اخت جوريه على تعليقك وفعلا كلامك كله صح
لكن ما خفي عندي اعظم وانا منتظر مشاركات اكثر لأفاجثكم بما حصل معي

4الطب في الزمن الحاضر هل ما زال مهنة انسانية أم مهنية تجارية Empty رد الأربعاء نوفمبر 26, 2008 5:03 pm

lorka200

lorka200
مشرف عام

مرحبا الموضوع كتير مهم بس انا ماني معكم ابدا
يمكن لأني بشتغل بالوسط الطبي

مارح كون في موقع الدفاع ولا حتى الهجوم
لأنو الاخطاء اللي عم تحكو عنها الها مبررااتها..قصدي المعامله اما الاخطاء الطبيه البحته لايوجد هناك عقوبات رادعه فعلا عليها لذلك هي على قفا مين يشيل
تانيا...............
لو أن مشافينا مجهزه بالشكل الصحيح لخففنا من مشاكلها
تالتا..............
لو أن الاعطال تصحح بوقتها القياسي المطلوب كنا خففنا من الإحساس بالتقصير
رابعا
..................لأو اعطينا الاطباء الاخصائيين رواتب حقيقيه ومحترمه لمن يعملون بالقطاع العام ..ومنع هذا الطبيب من فتح عياده او العمل بالقطاع الخاص لكان ادى بشكل صحيح وكامل ولم يتعمد ترحيل المريض من العام للخاص
خامسا ............
لو أصدرت عقوبات بحق المشافي الخاصه التي تعطي الاطباء والعناصر التمريضي..نسبه ماليه على كل مريض يقومون بترحيله من العام للخاص كان الامور افضل..


فينا نقول 100 لوووووووووووووووووووولو ولو..
انا داومت فتره بمشفى المجتهد بدمشق وكان قطاع عام ..وكان بدون مااشرح شغله بهدله..بس بعد ماصار المريض يدفع نسبه وتحسنت الرواتب فيه تحديدا صار فيه نظافه واهتمام بالمريض..

واهم شي وقبل كلشي لو عنا كوادر بتحب عملها ..ماكنا شفنا هيك..مني وجر


ولو عنا ادارات تحترم حالها ماكان صار هيك
ولو عنا مواطن بيروح ع المشفى العام بيعتبروا صرح وطني لازم يحافظ عليه كانت الأمور مختلفه كمان


يعني سلسلة مشاكل الكل الو علاقه فيها من النقاد الى العاملين الى المسؤولين الى المرضى الى الزوار


وشكرا ودامت لكم السلامه

ola

ola
عضو

اتفق مع الأخlorka200بما تفضل به
بدي قول شي يمكن ماتعتبروه مهم بس هو انو المقارنة اللي عم تعملوها هي بين الوضع من عدة سنين والوضع حاليا
من كام سنة كانو الناس اللي بيشتغلوا بالمجال الصحي (واذا بدنا نخص الاطباء) كانوا قلال جدا يعني بظرف سنة كان الطبيب وضعوا المادي تمااااام
أما حاليا الوضع اختلف
مع انو هدا الشي مابيبرر انو تكون المهنة تجارية لكن برأيي انو هالنقطة الها دور كبير
وبالنهاية هي مهنة متلها متل غيرها
ومو كل أصابعكن متل بعضها
ونحنا اخ شادي على احر من الجمر لنسمع قصتك
تقبلوا مروري
شكرا على هالمواضيع الهامة

6الطب في الزمن الحاضر هل ما زال مهنة انسانية أم مهنية تجارية Empty السبب في كونه تجاري وليس انساني الخميس نوفمبر 27, 2008 3:20 pm

shadi79

shadi79
عضو

اول شئ: شكرا على اعطاء رأيكم
وهلق خلوني احكيلكم شو صار معي
عندي ابن اخ صغير عمره 3.5 سنين مثل ما زكرت
تعب شوي ومثل ما نقول بالعامية كرررررررررررب
أخدناه على دكتورة في مدينة حلب وبعد الفحص أعطته بعض الادوية الخاصة بحالته
وسافر مع اهله بعدها الى القرية
ومن ضمن الادوية أبر ألتهاب لانه حسب قول الدكتورة انه هنالك نوع من الالتهاب في الصدر
في القرية قام اخي بضربه الابر بحكم أنه لا يوجد مستوصف في القرية ولا يوجد فيها غير طبيب متخرج حديثا من الطب ولا اختصاص له بعدولا يأتي الى القرية الا عند المساء ولساعتين فقط
وموعد اعطائه الابرة كانت في الصباح
أعطاه اخي الابرة وكان كتير من قبلها عاطيهم الابر هو واخوه
وعند المساء احس اخي على ابنه انه لا يحرك رجله بالشكل الصحيح وكان في هذا الوقت قد حضر طبيب القرية فأخذه لعنده ليعرضه عليه وكان جواب الطبيب أن الابرة ثقيلة جدا وهذا هو السبب وفي الصباح انشاءالله سوف يستعيد نشاطه
وفي الصباح عندما استيقظ الطفل حاولو ايقافه فوجدوا ان رجله الثانية قد تقلت حركتها لدرجة انه يمشي خطوتين ويقع ارضا فسارعوا الى طبيب في القرية المجاورة ليأخذوا رأيه في الموضوع وهنا غاب عن تفكيرهم اخذه الى طبيب مختص مباشرة ولكن بعد عرضه على الدكتور والذي يمتلك ثقة اهل القرية اجمع . قال ولا يهمكم رجعوه على البيت والموضوع عادي هيدي لانه الابر تقيله
اخي ما اقتنع في الكلام وعند المساء عادوا الى حلب وكنت موجود على وصولهم ففوجئت بأخي يحمل ابنه
وشرح لي مشكلته ولكن كان مطمئن وذلك بسبب استشار طبيبين وبعد ان دخلنا البيت ووضعت زوجة اخي العشاء فسكبت له صحن من الرز ليأكله ولكن الولد لم يستطيع تحريك يده فكانت حالته تزداد سوء خلال ساعات
بدأت الاعراض في رجله اليسار مساء وفي الصباح كانت رجله اليمين وعند المساء بدا المرض في يده
وهنا لم استحمل المشهد ومباشرة اخذته الى عند طبيب مختص أطفال ومجرد ما رأه الدكتور كان جوابه خذوه المشفى بسرعة وانا سوف الحق بكم
وعند وصولنا الى المشفى كان الطبيب قد وصل واحضر معه طبيبين اعصاب وطبيب عيون وكان موجود الطبيب المناوب في المشفى
وعند فحصه من قبل طبيب الاعصاب قام بكشف حالته وقال انه الولد مصاب في مرض يسمى غيلان باريه وهو نوع من انواع الشلل التصاعدي بحيث يبدا من الاطراف حتى يصل الى الجسم بشكل اكمل وكانت حالة الولد صعبة لان الشلل ينتشر عنده بشكل سريع ويجب علينا ان نبلغ عنه مديرية الصحة
ومباشرة طلب منا نوع من الابر وهنااااااااااااا بدات المشكلة
(حديث دار بيني وبين الطبيب)
طيب دكتور احكيلي عن المرض وشو الحل
هلق ما فيه داعي نحكي انا برأي تكسب الوقت وتطلع تدور على الابر
ليش دكتور الابر ما موجودة
قال موجودة لكن صعب كتير انها تتامن وبدك تدور حتى تلاقيها
طيب اكتبلي اسم الابر وقلي وين فيني دور عليها
كان جواب الدكتور والله ما بعرف شو بدي قلك لاني انا ما بعرف وين ممكن تلاقيها. طيب يا دكتور انت اذا اجتك هيك حاله شو بتعمل ومن وين بتجيب الابر .. جوابه للاسف ما بعرف بدك تدبر الابر
وهيك كتب الدكتور اسم البر (غاما كلوبولين)وكانت الساعة 12.00 بالليل
وطلعت امشي وادور على الصيدليات المناوبة وطبعا كل ما لاقي وحدة كان جواب الصيدلي شوووووووو ؟؟؟ غاما كلوبولين بالله عليم اذا لقيت جبلي معك
وبعد ما قطعت الامل قلت حتى ادور في المشافي وكان ابن عمي يبحث في جهة ثانية من المدينة ونحن على اتصال وكل عشر دقائق اتصل بأخي لأطمئن على حالة الولدلانه حسب قول الطبيب انه خلال ساعات قليلة قد لا تتجاوز الثلاث ساعات قد يصل الشلل الى الجهاز التنفسي وبهذه الحالة يجب وضعه على المنفسة ويدخل في مرحلة الخطر (الحياة او الموت )
وبعد ان ذهبت الى الكثير من المشافي الوطنية والخاصة في مدينة حلب والهلال الاحمر ولم نجد ولكن الهلال الاحمر بكل برودة اعصاب من الصيدلي الذي اصحيته من النوم الهانئ اذا بدك بكرا انا بعرف واحد بيتعامل فيهم وفيه يأمنلك .. شووووو يعني بكرا الصبح منشان الله امنلي هلق الولد بين الساعة والساعة ولازم لحقه وكان جوابه هلق ما بيطلع بأيدي شئ طيب انتو اذا اجتكم هالحالة شو بتعملو. نحن بنجيب الدوا . طيب ممتاز جبلي . تكرم عينك بكرا الصبح .. واااااااااااااخ وهون انا فقدت اعصابي وكان الي اكتر من ساعتين وانا بدور مثل المجنون وببكي من خوفي اني ما الحق الولد.كانت ردت فعلي بأني ما خلي مسبة على المشافي والاطباء
وخرجت بسرعة ولكن ما زالت باذني كلمة الصيدلي اني بأمنلك لكن بكرا الصبح لاني بعرف شخص بيتعامل فيهم . شخص بيتاعمل في الادوية ؟؟؟ يعني مهرب
ومباشرة اتصلت في ابن عمي وقلتله بتعرف حدا بيشتغل بالتهريب . وبحكم شغله في مكتب سفر كان بيعرف اشخاص وفعلا اتصل فيهم وواحد منهم قال انه من فتره جاب لدكتور عينة ورح يشوف اذا لساها موجودة عنده
وفعلا بعد شوي اتصل الزلمة وقال قدرت أمنلكم 5 غرامات ونحن كنا بحاجة 6 غرامات لكن شئ احسن من لا شئ
واتفقنا على موعد وجبناه من عنده والسعر طبعا خيالي ولكن غير مهم

جبنا الابرة ولحقنا فيها الولد ومشي حاله بهديك الليلة ولكن باقي الابر لازم يتامنوا الصبح لانه لازم ياخد جرعة الصبح وجرعة المسامجموعهم 6 غرام
وفي الصبح فعلا اجا مندوب من مديرية الصحة لياخد عينة دم ويحللوها وسألته وين فيني لاقي الابر وبشكر الله انه رضي يرد علي وعطاني جوابي جوهري روح دور
وطلعت لروح دور ورحت على الهلال الاحمر وشفت الصيدلي وعملت معه صفقة وكأني عم اشتري شئ ممنوع وطلب ثمن كل 6 غرامات 25000 ومن دون ما احكي بالسعر لاني بعرف انه ما راح لاقي غير ولانه همي الاول اني لاقي الابر وافقت
اشتريت الابر وعطيناهاللطفل وهلق عم نعمله معالجة فيزيائية وبده اشهر وحسب قول الدكاترة انه بيرجع يمشي
وموضوعي هو على مراحل
انا باكد انه مهنة الطب تجارية وليست انسانية ولو ما كان ذلك لكانت الدولة منعت اي طبيب ان يعمل بالطب الا عند حصوله على الاختصاص
وانا اعترف انه خطأنا عندما عرضنا الطفل عليهم ولم نعرضه من البداية على مختص اطفال
ولكن قريتي مثل كل القرى حضارة الاختصاص لم تدخل عقلهم والدكتور هو دكتور وبيفهم في كل شئ
ثانيا :لو لم يكن الطب هو مهنة تجارية عند الاطباء لكان كل طبيب تعرض عليه حالة لا يفهم بها نصح المريض بأن يزور طبيب مختص وما كان كل طبيب قلل من اهمية الطبيب الاخر بقوله الله يسامحه هادا الدوا ما بينعطا بهيدي الحالة وبيعطيه دوا بيكون اله نفس التركيب لكن باسم ثاني او بمفعول اقوى أخر
ثالثا : ما قيمة الانسان عند الطب عندما يتعرض الى مرض معين وبحاجة الى دواء معين وهو غير موجود ؟؟؟ هل حياة الانسان رخيصة الى هذا الحدفي بلدنا لكي يتعرف على المهربين للحصول على الدواء وبأسعار خياليه
رابعا : من منكم يا اصدقاء قام بتجربه . بأن يزور مشفى خاص او طبيب في عيادته وطبعا وكالمعتاد الممرضة جالسة على الباب لتأخذ الكشفية او المحاسبة في المشفى لتأخذ اجرة دخول المشفى هذا في المشافي الخاصة . ولكن حاول مرة بأن تقول للمرضة انا ما معي مصاري ومحتاج الطبيب فكم النسبة من مئة دكتور يقبل بأن يعاين مريض من دون كشفية ( من المئة واحد . اثنان . ثلاثة ) كم؟؟
انا لا اقول بأنه يجب على الطبيب ان يعمل من غير مقابل فهو تعبه ودفع الكثير لأصبح طبيب ودفع الكثير ليحصل على العيادة ..ولا على المشفى بأن يقبل المرضى بدون مقابل ولكن لا يجوز ان يصل الامر به بان يقطع الدواء عن المريض لمجرد انه فقير فالنقود ليست هي الهم الاول بالنسبة للطب الانساني

سوف يقول بعضكم هنالك مشافي وطنية حكومية ومجانية . نعم هذا صحيح (الداخل لها مفقود والخارج منها مولود)فكلنا يعرف طريقة المعاملة في المشافي الوطنيةوكلنا يعرف بأن صيدلية المشفى لا تحوي الا على المسكنات وبعض الادوية . وعندما تحتاج الى ادوية كثيرة يطلب منك الخروج الى صيدليةخاصة لشراء الدواء واذا كان المريض ليس لديه القدرة على شراء الدواء فلا حول له ولا قوة
.. أصدقائي هذا ما حصل معي وبتجربة شخصية وانا واثق ان كل انسان منا قد تعرض لموقف معين مع الطب ولكن الحمدلله انا كان عندي القدرة بان اشتري الدواء وخلال 5 ايام دفعت ما يقارب 180000 مئة وثمانون الف
ولكن لو حصل هذا مع انسان ليس لديه القدرة بان يدفع خمس الاف ماذا كان حل به
ماذا كان ليفعل هل يبيع طفله الاخر ام يشحد أمام جامع



مع أسفي عليهم واحترامي لكم

7الطب في الزمن الحاضر هل ما زال مهنة انسانية أم مهنية تجارية Empty رد الخميس نوفمبر 27, 2008 5:51 pm

lorka200

lorka200
مشرف عام

الاخ شادي
قصتك كتير فيها شي مؤثر والله يذكرها ولا يعيدها..والحقيقه مرض غيلان باريه هومرض كتير مؤذي بس يتراجع بسرعه كل ماصغر العمر..
بس بمراحلو الاولى بيكون خطير وفي احتمال الشلل التنفسي وارد ولو صار فهذا كارثه.
المهم الحمد لله ع السلامه..وانشالله بيتحين ابن اخوك ويرجع لعافيته....

وهدا المرض مرض مناعي بالدرجه الاولى له جرعات الغاما غلوبين وهي موجوده كانت قبل فتره بوزارة الصحه..وكانت تاتي كمساعدات..إلا أن الاوادم ماخلوا لااخضر ولا يابس..

والحقيقه هذا المرض يختلط فيه التشخيص حتى عند كبار الاطباء في مراحله الاولى...
ومنشان ماطول بالحديث....

هناك اشخاص تبرؤوا من الله اولا ثم من اعمالهم..واستبدلوها
وهناك اشخاص لازالوا يسعون جاهدين (والكلام عن الاطباء حصرا)لتطوير المهنه والخبرات ..
ع قول علا مو كل الاصابه متل بعضها..
نتمنى انوالله لايضر حدا ...ولايوقع حدا تحت رحمه طبيب..
وانشالله تدوم الكم الصحه والعافيه على طول...
على فكره هاد المرض او الاصابه تكررت خلال الاعوام السابقه بسلميه بشكل ملفت..

وتاتي غالبا بعد كريب قاسي ومهمل (غير معالج بالصادات)حيث يتم انتقال الفيروس للجمله العصبيه


وياابو الشود لازم تحمد الله وتشكره انو الدوا اللي مهرب اللي حصلت عليه ماطلع فاسد


ونحنا جاهزين لأي مساعده فورا

shadi79

shadi79
عضو

الاخ lorka200
شكرا على اهتمامك واتمنى لك ولعائلتك الكريمة دوام الصحة والعافية
واتمنى الصحة والعافية لكل انسان في العالم

الحالة المرضية التي مررنا بها هي حالة نادرة وعندما تظهر في دولة اخرى يجتمع عليها علماء واطباء لمعرفة اسبابها ومعالجتها واكتشاف الجديد من انواع المرض ويقدمون ما بوسعهم للقضاء على هذا المرض
ام في بلدنا وللاسف عندما يأتي مثل هذا المرض يكون هناك حالتين
او الهروب منه لكي لا يتثنى للأنسان اكتشاف ضعف ذلك الطبيب أو أستغلال المرض لأرباح مادية
وانا الحمدلله كانت معي الحالة الثانية ( على قولت جدي المصاري بتروح وبتجي وكل شئ بينحل فيها ما هو مشكلة )
انا بحمد الله ليل ونهار انه ساعدنا وقدرنا ننقذ الطفل
مع احترامي

الرجوع الى أعلى الصفحة  رسالة [صفحة 1 من اصل 1]

 » الصحة العامة » أخبار طبية » الطب في الزمن الحاضر هل ما زال مهنة انسانية أم مهنية تجارية

صلاحيات هذا المنتدى:
لاتستطيع الرد على المواضيع في هذا المنتدى