تحصيل ........................................

قطع الاعناق و لا قطع الارزاق ... مو هيك بيقولوا يا برهان افندي منشان الله ما يقطع برزق تجار التحصيل و التقنين فقد قرروا بالاجماع قطع اعناق المواطنين اي شو هي واقفة عالكهربا ... الشعب رحلو كتير و ما حدى شايلو من محلو (مبدايا لانو ما بنعرف ممكن يشوفوا غير هيك و يغيرولنا محلنا ) بس انت ليش مخنق شوف النص المليان من الطاسة اي اي الطاسة لانو باعتبار الطاسة ضايعة ما بقى فيني عم شوف لا نص مليان و لا نص فارغ ... و من اجل معالجة هالامر قرر المسؤلين عن ضياع الطاسة انو يقطعوا الكهربا منشان ما يبقى حدى قادر يشوف اساسا لا الطاسة الضايعى و لا غيرها .... لما كنا طلاب بالمدرسة كنا انا و اخواتي نلعب لعبة من غير كلام لما تنقطع الكهربا و ما بعرف انو عضو ثوري و مفكر بعيد المدى و استراتيجي مننا كان صاحب الفكرة بس اليوم يبدو انو الحل رح يكون من غير كلام ...
دمتم سيدي ابو علي برهان ...