فرق تسد .. هادا كان زمان ؟؟؟

التغيير...( يس وي كان ) مو هيك الاخ اوباما بيقول .. انا عندي راي رؤيه نظرة اللي بدكن اياه رح اطرحها و الايام بيناتنا ...
فرق تسد راحت ايامها لانو لما فرقناهن ( للعرب و المسلمين و العالم الثالث و الدول النامية و دول الجنوب و عدم الانحياز و الايجابي كمان ...) البركة شقد النا اسماء بقواميس السياسة وشقد ما النا وزن ...
لما اتفرقوا صرنا مضطرين نتعامل مع واحد منهن لحالو و نرضي هادا و نسحب هداك و نلملم هادا من البارات و هداك من المواخير و نشحط التالت ورانا و الرابع وراه و معلومكن اللي بيحمل عشر بطيخات بايد وحده شو بيصير معو ..؟؟
منشان هيك قرر بوش يسهل الموضوع و قال كلمته الشهيرة اللي مو معانا فهو ضدنا بس المشكلة انو صحي في ناس ما اترددت ابدا و سلمت بدون شروط بس كمان في ناس اترددت و ناس عاندت و ناس تيست على الخالص و بعد ولايتين متتاليتين للاخ بوش وصلنا لمرحلة اكتشفنا فيها انو شعارو للاخ بوش لم يقدم شيء لنا لانو اللي مشو معنا ماشيين بالاساس معنا و لكن اللي حصل انو اللي كانو عم ييتململو من سياساتنا صارو يجاهرو بهالشي و لما اقطعنالهن شعرة معاوية لاقوا حالهن مضطرين يكون ضدنا ببساطة طبعا مو كلهن بس بالنهاية ازداد معسكر الممانعة تماسك لانو صار الموضوع مصيري بالنسبة الهن (حياة او موت ) و حسب تصنيفاتنا مو بايدهن يعني ..
هلق اجا اوباما شو بدو يعمل الاخ اوباما ببساطة رح يسعى الى لم الشمل العربي و الاسلامي .... و تحت رايات الاعتدال و بلغة هادئه نسبيا و بالزوق متل ما بيقولوا بس اوعى حدى يتخايلو انو ممكن تكون سفينة عملاقة متل الولايات المتحدة ممكن تكون او انو حدى خطرلو اساسا انو هالسفينة رح اتغير اتجاهها بهالبساطة ... منشان هيك الاجتماعات و المؤتمرات صايرة عابو موزه و من كل حدب و صوب و فج عميق ...(الراوي اوباما شخصيا ).
و منشان هيك صار الامريكان اكتر مننا حريصين على وحدة .
لبنان الترابية
و العراق السياسية
و اليمن
وووو... حتى يثبت العكس ....

و الله ............ يمكن معك حق خيي برهان