حمله جديده في سلميه

مشكورين ع المشاهدات ..بدون اقتراح

معك حق , بس كل عراقيل الدنيي بوجه أفكارنا

مو استسلام بس كتير معقدينها ورغم هيك رح نطلع بافكار منيحة

روق علينا

صباح الخير
هلق الفكرة كتير حلوة
بس ليش شارع حمص وشارع حماه هم محور اهتمامنا دائما بكل نشاطات فعاليات البلد
ليش خلونا نا خد تقاطع اكبر من هيك
شارع حمص -شا رع السعن القبلي - شارع السعن الشمالي-شارع الثورة- وشارع حماه
يعني محاور سلمية الرئيسية يلي بتصب بالساحة العامة
وخلينا ندعي الجميع
جماعة العمل الطوعي يالمجلس الاعلى -جما عة الهلال الاحمر- جمعية البر ةوالاحسان -الصحة- الخدمات الفنية- البلدية-النادي الرياضي- جمعية العاديات-المهندسين- الاطباء-مدراء المدارس والمعلمين-اصحاب المحلات التجارية على جابي الشوارع التي سيتم العمل فيها-اعضاء مجلس الشعب المحسوبين علينا-الاتحاد النسائي-رابطة قدماء المحاربين-الاذاعة -هل كم صحفي يلي من عنا وكل يوم فايتين بدائرة حكومية وطالعين من تانية وع الفاضي يا شباب بلكي بيطلعولون بشي كم كلمة نظيفة احسن من ........-
اما اللباس فانا مع توحيده يعني القميص الابيض اهم شي مع شعار الجمعية
اما الموعد فياريت يكون من التاسعة والنصف ليش؟؟؟
لانو بهل الوقت تزدان شوارعنا على الجانبين بكل ما تلفظه بيوتنا من بقايا كنا قد اعددنا لها العدة طوال النهار
اما شغلة الاحتفال لا ما في داعي الها من كتر الطبل والزمر صارت اجيالنا بترقص ع الفاضي والمليان
بس فينا بهل المناسبة نكرم بعض الامهات يلي كل يوم قبل ما يشربوا كا سة المتة بتكون الحارة كلها عم تزقزق من النظافة
امبلا فينا نختار خمسة على الاقل كل واحدة من حارة ونكرمها في بيتها بلجنة من قبلكم وتقديم زرعة صغيرة لها عربون شكر مع بطاقة تكريم باسم الجمعية بهل المناسبة وخصوصا هدول الختيارية يلي ما فيك تمر الصبح الساعة السادسة من امام بيتهم الا وعبق الارض المغمسة بعرق وجدانهم تعطر روحك
اما ضيوف الشرف فبرتوكول لايعنيني المهم عندي ان تصل الفكرة لابناء سلمية ويتقبلوها ويعملوا فيها

تقبلوا مروري

شكرا كتير عالموضوع بتمنى نلاقي نتائج كتير حلوة وتصير سلمية عنجد متل الفل لان هاد الشي الوحيد الناقصها اكيد رح كون اول المشاركين.

مرحبا ياجماعة كيفكن أتمنى لكم الصحة والعافية جميعا

في البداية أود أن أشكر الجميع
على كل جهد وعمل من أجل سلمية وأهلها
وعن الأفكار فهي كثيرة
لكنني أقترح أن يكون تكريمصاحب أنظف محل وما أمامه في الشارع المقترح
وتكريم أنظف رصيف أمام منزل
ويكون التكريم أمام جمهور لكي نعطي حافزا للأخرين
وتكريم أيضا أصغر مشارك سننا وأكبر مشارك سننا

ولكم جزيل الشكر والأمتنان [b]

نحنا فعلا عنا مشكلة بالأمكانيات المادية الي ممكن ترفع من أسم المنتدى وفعاليته أن وجدت هاي الأمكانيات بس والله أذا بده يكون التكريم على عاتق كم شب متل ماصار فينا قبل فهدا ممكن يكون صعب
لأنه أما سيكون التكريم رمزي جدا جدا جدا أو سيكون ذلك التكريم صعوبات مالية علينا وعلى من مثلنا

مسا الخير
الهدية اكيد رمزية واقترحت ان تكون زرعة للبيت او المحل
حددو العدد وانا ارسل لكم الزرعات
تقبلو مروري

من هنــــــــــــــــــــــــــــا

تقرير ريما فليحان مديرة موقع يارا صبري ..

شكر كبير لها ولكل من ساهم في نجاح هذه الحملة