هي القصيده باللهجه المحكيه ..زالقاف تقرا بالطريقه الشاميه (ء)..
انشالله تعجبكم
نسيان............
بعيونك فراشات عم تغزل فرح عاكتف السما..
دبلت خجل
وغنت غناني
حكيتي والكلمات تسرح ع شفافك متل الهوى
شهدة عسل
بالحب مليانه
خصلات سود تكيت ع جبينك
ليل وغفي ع....... حضن القمر...
ورموش زهره مكحله
تنقط حلا... لما...يتعبها السهر..
وخدود قطفة كرز ...مالت على غصون الشجر
الزهور رقصت طرب ..بسهرات الصيف
وبوجودك السهرات حليانه
وبغيابك قال القمر ل...نجمتو ...:منغيب سوى
تتقول الحلوه رجعانه
فضيوا قناني النبيذ
والليل بدو شوية خمر...
ماضل غير الحزن ع الطرقات
وع بواب الحلو ....ضاع العمر
ياريت كان اليوم متل الأمس.....
ولك الأيام عم تمشي فينا غدر
بكيت شجرات الهامه وقاسيون...
ورجعت من حصين البحر أماني
ياحلوة الحلوين ...ناطرك أنا
بس خايف الأيام .................تنساني
