السليقة

يا جماعة مسا الخير
انا كل فترة بتذكر شغلة قديمة كنا نعملها وبنبسط كتير لما بقدمها كمشاركة
رح خبركم اليوم عن السليقة
السيقة هي مو طبخة او اكلة هيي خطوة من خطوات صناعة البرغل
وكنا ايام زمان نلتم كل العيلة من شان السليقة
والسليقة هي سلق الحنطة بكمية كبيرة بحيث بيوضع بشي اسمو الحلة والحلة هي وعاء كبير اسطواني الشكل
المهم بعد ما تستوي الحنطة توضع تحت الشمس لحتى تنشف وبعدين بتجرش لتصير برغل
والاحلى من هيك انو بس تستوي السليقة بيجو الاطفال من كل الضيعة وكل واحد معو صحن وبيتوزع عليهم السليقة

الله يرحم ايام زمان