*
بــضـيـعـتـنـا العتــابــا مـــو تقليدْ..!!.. أصــلي
عــدوِّك هالكــــوانـي..!!.. بنــار أصْـلـــــــــيه
مــن تلــــدره الكـرم..!!.. فـصْـلي وأصـــــلـي
ومـا أسلــــى سْـهـولْ أرضــي والــهَضـــــــابْ
*
*
ارتــجلنـــاها أهازيج وعمــودي وَعَتـــــــــــــابا
ونصــــح لليفهــــمون العتب وقبلنا عِتـــــــــــابا
صــدور بيوتنا لضيفــــاننا والـــــنا عِتـــــــــــابا
وبنـــص اللــــيل !!! ما انـــدق لنـــا بــــــواب
*
*
بضيعتــنا زهــورالشعــر قطـّـفنــا وجـنـيـــــــنا
وبـنـيــنا للعـتــابا قصـر من حــوله جـنيــــــــنا
بتـلــدرانـا العزّ يخلاني اهـتدينا ما جـنـيــــّــــنا
ونعـتـّبلها ع جبيـن الشمس اسمــا انكـتـــــــب
*
*
أنــــــــــــااااااا
عـيـــونـي لكل من ســـمــار بقـلبــــو دخــل
المحبــــه مــن الله تــــرى ومــــــالي دخــل
ملهـــوف قـلبــي عـلـيـكــم و يـنــــده دخــل
الله يــا ايـمتـــى نلـتــــقي بـعـــد الـغـيــــاب
*
*
*
جربوا قراءة البيت التالي من الطرفين
*
*
دخــــــل قلــــــبي انا حبيـــــــبي و انــده يخــــــــــلان
دخـــــل الله علــــى الغالــــي و عيـــوني يخــــــــــلان
دخـــــل مالــــي و الجـــواهـــــر ألــــكم يخــــــــــلان
الغيـــــــاب مُرّ و اللـقـــــــا يحـلـــى بعد الغيـــــــــاب
*
*
وهذه بعض الخلجات وحرّ اللواعج لكم ...للغيّاب... للمنتدى ...لمتذوقي العتابا
*
*
حـبـيـبــــي نـضــــر عـيـنـــــــي و انـــــــت حـب لــي
بـجـــــــفاك الصــــــخر بكّيـــته و انــــــــــتحـب لــي
دخـيـلـــــك ارتـمـيـــت بــــــجـبّ و انــــــت حبـــلــي
الـحـبـــــل بيـــــــــــدك وخـــاف لا يصيبــك تعـــــب
*
*
يا روحــــي الـعـمــــر بيــــك ابتـــــدى و أنــــــــهى
وكلشــــي نقــــص بالــــروح بـس زاد ونــــــــــــها
بـغــــرامك تـذكــر انا الــي كنـــت آمر وانـــــــــــها
وهـــــذا انــــت اليـــــوم تأمـــر وتنهي!!!! عجــــب
*
*كمشبك
*
فخـاخ شْكثـرْ انصبـْلك كـــم شبـــاك
عجـب هالقلــب من شافـك كمِـش بك
انا الْ تمنيــت كــون بايــدك كمشبـك
غسيـل واشبــك علــى رهـف التيـاب
*
كمنفــي
*
غريــب وعايــش بــداري كمنفـي
الــم بالقلــب واحْــزان وكمـان في
حبيــب بصــدّوا خلانــي كمــن في
عقلــه جنـون من هجـرو والغيـاب
*
كماهـــم
*
طالت الغيبـه بـــس رجعــوا كمــا هم
نســوا نْ رادو كمـا!! قلبــي كمــاهم
زاد الهــم بقلبـي واللوعــه كمـــا همّ
القابــض عالجمــر وبقلبــه صـواب
*
كناري
*
كنـــارو يتــكّ لو تـك تـك كنــاري
وصــدوده عـــدّّل الجنـه كنــــاري
كلاشنكــوف ما بيـــرمي كنـــاري
ان رمانــي العــاذل بنـــار اللهــب
*
كماشي
*
غرامــك أثــّـــر بروحــي كمـــــا شــيّ ْ
يكهـرب ويشــوي بقلبــــبي كمــــا شــيّ
صلصــال بي نــارك وابقـــى كماشــــي
ع جمــرالحــب وأستحلـــــي العــــذاب
*
كعقاب
*
بسمــا حبــــي طيفــك رفّ كعقــــاب
وهجــرك كـــوى هالقلــب كعقـــــاب
واحــسّ النـار عالوجنـات كعقـــــاب
البنــادق دكـت عظامـــي بـْلا سبـــب
*
كرمي
*
لمــاكِ الكوّنــــو خمـــــرات كــــــرمي
ألــذ ّمــن العســل ماهو عكــَــــــر مي
اذا مــتتّ ادفـــنيني بجنـــب كـــــــرمه
و اسق ِ ورود القبــر بــدمّ العـنــــــب
*
كرّه
*
أتانــــي من أتانــــــك بــس كـــرّه
كنــزة حبنــا جابهــــا بــس كـــرّا
لو بيكــرّجيش اللحظ بــس كـــرّه
بلحظــك ينهـــزم جيــش العــــرب
*
كدربي
*
زرار ال عالصـــدر تبـرق كــدُرّ بي
يرجـــرج عالمشــي يسبي كــدَرّ بي
حــدا منكــم بالهـوى دربو كــــدربي
بجمـــر مفــروش واشــْواك ولهــب
*
كمامي
*
سيــوف اليـُتــم قطعتلـــي كمامــــي
مــا كلمـــه بالدني تحنـّن كـ مامـــي
ولا بالهـــوى مــن عشقتْ كما مـــيّ
مــع جبــران بسفــر عشــق العــرب
*
كفاكي
*
كفـــاكِ هجــر يا عمــري كفاكــي
جمــرالبعـــد يكوينــي كفى كـــيّ
بفواكـي الدنـي مـو شايف كفاكــي
توت شفــاف أشهــى مـن العـنـــب
*
كسمها
*
ضاقــت رويحتــي كـ ابـــره أوكسمّهــــــا
بهجــر اللـــي شربــت كاسـا وكاسمّهـــــا
الْ مــا فـي سمـــوم بالـدنيــــا كسمهــــــا
البيــه موت زْعـــــاف للـــروح انكتـــــب
*
كسرها
*
بيـــــــوت العتـــــب واتعمــّــد كســـــرها
كلمـــة ســـــــــرّ ويحلالـــــي كســــــرها
لـــو أنــُه الســــر يتخبـــــــى كســـــرها
نْ غــــــادر هالصــــدر ذاع وهـــــررررب
*
كمالو
*
ال ْوجهــــــو كالبـــدر في ليلــة كمـــــــالو
لــُو رايــــد كمـــــا صيفـــا قلبي كمــــــالو
يأمـــــرعلــــى قلبــــي وينهـــى كمـــــا لو
ملـــــك روحــــي وقلبـــــي والعصـــــــاب
*
كدرها
*
ان درّت نياقـــك مَ بتلاقــــي كــــدرها
أثمــن درر بالدنـي مَ بتبــرق كـــدرها
صفـــو الليالــي مَ نسـّانــــي كـــدرها
و شـــروق الشمس مَ نسّانــي الغيــاب
*
كدرهم
*
نياقـــك جافـــــلة و زاـــــيد كدرهـــم
انْ درّو لبـــــا و الــــزبــده كدرّهــــم
امتـــلا هالقلــب لوعـــه،كــدر، هــــمّ
حــــزن وأســـى بهجــــره والغــــياب
كنسها
*
أراضــــي مقدســه واجـــب كنسْهــــا
عالهــــدا بتنـــسّ ماشفتـــــو كنسّهـــا
ياااااا رب احـــم ِمساجدهـا وكنسهـــا
من بنـــي صهيـــون أمــارالارهـــاب
*
كلولي ......... بيت لأيام الطفوله ولعب الكل ( الدحل )
*
عجــــب تخلــــط كلـــولك ع كلولـــي
كــم نحلــــة سرقــت تبـــرق كلولــــي
كم بيتــــه حلـــــو مــن حلّي كلولــــي
بحــــلّ بــت جبــر لـــعب الكل طـاب
*
*
واليكم بعضا من مهاترات العتابا مع اللي بيعرف حالو
*
جـــواب الورد مـنــــك بـــي لـغـــز وبـهــــــام
تـوّهنــي وشَـعــلْ نيـــران بالـــروح وبـهـــــــام
مـا شـــــــــكّ بيـــك قــاب سـبـّـابــه وبـهـــــــام
ودادك بالقلــــب و تـزيـــد نــــيران و لـهــــــب
*
*
نـصـحـتِـك ياعمري ومـا عـمــر انـتـصـحـتــي
حـبِّـك ملـكني وانــت ِعـمري وانـت ِصحتــــي
صـحـتلك حــذارِ مــن الديــابه وانتي صحتـــي
خـذن ِ بعيـــد عــــن عيــــــــن الديـــــــااااب
*
*
نـمـخـر عـبـــاب الـبـحـــر ونـقـطــــــع بــــــوادي
خـلــف السـكــن مهجـتنـا واعـــــلامـــه بــــــوادي
الـقـلب ما يـهــدا لـــــو نـهـــــــــــــوي بــِــــوادي
الـقــدر مـكتــوب ومــا يـحـكـــــــم غـيــــــــــــاب
*
*
عـتـابي حـقـل ألـغــام تحـدّانــــــــــي وتـنــزّه
قـلـبي بــرخيـص عتـــاب ســـــــامي وتـنــزّه
خابـــتـــــكم مشـروخــه بآســن مي وتـنــزّه
والجـــود مـــن جـــودي ينضـــح بالعتــــاب
*
*
ياخلــّي حـــاذر تـدانــي لـبـوتـنــا و عـرينـا
شـفـنــا عتــابــكم بسـهـولـــــــه و عـرينـا
مـا هـمـّنــا بـغــرامكم لو جعنـا و عـريـنـا
و مـا نـتـخــلى عـــن صاحـب ولا حبــااب
*
*
ثـــوب الـعــزّ ملبسـنــا وســرّنـا ما ينبــاح
كـلبنا عـــالأضيــاف بعــــمـرو ما ينبــــاح
يكفــي تـصيــح ،بــالك،صوتـك ما ينبـــاح
ســـور اللبــن عالعــمر ما يـــرد الغـراب
*
*
حبنــــا بالومـــا ي َمحبــوبـي ما بـدّو كبـــل
ولا تدمــع العيــــن منـّــا لـو تكبلنــــا كبـــل
النـــار بالمهجــه تهــبّ ونشعـــرهــا كبـــل
الـمــطـرالمـا يبـّـل حــتى رمـــش الهـــداب
*
*
عـزيـــز الدمـع بالغــربه،غـربـه اكـتـفـيـنـا
ونـعـــود لـو بالكفــــن يالحبكــم كتّ فـيـنــا
حب تلدره بالقلب كـّتفنا زيــدي و كتـّفـيـنـا
ونجمك عالي شــعّ و ما عمـــر غـــــااب
*
*
هي للي بيعرف حالو
*
*
قـــردك على طـحينــي وجبــت دبـّك عـكـرمي
الجــود مــن جــــودي و ما تـقــــدر عـكـرمي
الـزمـن مــرمـــرنـي ومــاصيــد بــ عـكـر مي
الكــرم مـن صاحبه اكـــرم ويجـــود بعـنــــب
*
*
الـريــــــام الـتـمـُر جـنـبـك نـرميهــا يا رامي
رامـــات دمهــا يــروّم تعــال وشــوف رامي
بـــدال الشيــوخ شــفـلـك شــــــــي حــ رامي
يســـرق مــن قوافيـنــا وترقـــّــع هالعتـــاب
*
*
لو تـجـيـب الشمـس مهــر، مهــرتنا لمهرهــا
ممهـــوره سبايك حـُرّالدهـب سمـارالمهرهــا
بديــارك الهــرّه تجــوع وما همّهـا الم هرهـا
ونـار الضيــف بديـاري مــا يخبى لهـا لهـــب
*
*
شـــربنــا العلقـــم و ما شفنـــا كــمُــرْهـــــــم
مَــرّ علينا كتيــــر و ما شفنـــا كــمَــرّهـــــــم
مـــراهـــم للجرح و ما شفنـــا كــمَــرْهـــــــم
مــن غالــــي لماهـــــم يشفــي الالتهـــــــاب
*
*
حـبيبــــي قمـــر نيســـان ويعجبني كمالــــــو
روح وحــده بجســـــمين ومـــالي كمالـــــــو
لـو يطـــلب كـمــأ بالصيف قلبــي كما لـــــــو
وفــــدا لعيونــــه من روحـــــي الشــــراااب
*
*
ســراجــك عالعـمــــر مطفــــي ولا نــــــاس
قـفـر بيـدك مـحْـــل لا جنـــــــــي ولا نـــــاس
زغـب مـــا يحمــل تشـــلــــــوط ولا نـــــاس
العــــاب بعـيــــد شو يفيـــــــدك حـجـــــاااب
*
*
حنـّــي كــفـــوفــــك واصـفـــق كـف بكــــف
واذا بتــــدمــع انا دمعــــــــــك كـف بكــــف
شطــــــار العتــــب مكفوفـــــه كـف بكــــف
لســمــار اعترفـــولـــوا والغـــــاب غـــاب
*
*
عـرفـنـا الحــب بـحـروفـــك ومـن خــــلالك
قـلـب طاهـر والـوفــا يـنـهــل مـن خـــلالك
تعــال خلــي وشوف قلبــــي مـن خــلى لك
انــزاح الهــم عن قلبــي وبدمـــه سكـــــب
*
*
مـال الدني ما يغــرينـي و ما بيـع جــــاري
علــى فــراق الأحــبه دوم الـدمع جــــاري
انا جــاريتـك بالمحـبــه ولو فيـك جــــاري
هــوى قلــب هايــم ويـضـنـيـــه الغيــــــاب
*
*
أشــوفـك ترتـعـش مــن جــالك صـوابــي
شـوفــاج بكـوانيــن ما يحســـد صـوابــي
حـبيبي يصـدّ عـنـّـي بخـطــاي وصـوابــي
وبـصـدره يـرد عنــي غـدرات الصـــواب
*
*
أتمنى من اللي بيعرف حالو يفرجيني حالو
تقبلوا فائق تقديري والاحترام
*
سماركم
سمار تلدره
*
