*
*
*
*
حاجي همس يا بنيه
جننتي الصبي
قلبو غلي
بْيكْفي وشوشه
عم تبعتي مراسيلْ
من ورا ستار العشق
من هالخافق المجنون
من خلف هالمنديل
شو المسأله
حاجي ياحلوه قرْوَشه
بترندحي مواويل
بظل ْهاك المشمشه
حاجي بقى تتدللي
عنقودك بعد ما مجّز
ولا كرمك حلي
كرجتْ عهالوردات دمعاتك
وغسلت مياسمها العبير
وتاهت النحلات
ضلت دربها و تاه القفير
وك... شو عم تعملي
هالقلب بردان وبكفكْ دفا
ضميه وك ضميه
واربطي من ورا نقرْتو
هالجدايل الْ بإيدو
خصله خصله
مجدّله
شو ناطره؟؟؟؟
تيجن الصبي!!
بيصير؟
ما بيصير
*
*
