في سلميه..المضحك المبكي

lorka200

lorka200

مشرف عام

عدد الرسائل : 2012
العمر : 47
الموقع : البدوي الاحمر
العمل/الترفيه : معالج فيزيائي
تاريخ التسجيل : 08/09/2008
نقاط : 1090

مرحبا ..أو صباح الخير لأنو الساعه هلا 3 الصبح..
رح احكيلكم كم شغله صاروا معي بهاليومين..

- اجا ع البيت لعندي شخص من مؤسسه المياه قلي انو بدو يقطع المي ..
ليش يابو الشباب
قال متأخرين بدفعه الفاتوره..
وأنا بالنسبه الي بدفع كل 4 فواتير سوا لأنو عندي دوام الصبح ومافيني روح على طول لأدفع..المهم الزلمه قفل ساعه الماء بالرصاص..وراح
رحت بدي ادفع الفاتور بمركز الجبايه..قالوالي والله بدك ترجع بعدين ..الكمبيوتر عاطل..
تاني يوم رحت ..قالوالي ارجع بكرا..لأنو شبكه النت معطله والكمبيوتر موعم يتصل...اليوم التالت رحت قالولي ارجع بعد ساعه الكهربا مقطوعه ..
وفعلا بعد ساعه رجعت..ووقفت بالدور كان في حوالي 100 شخص ..
انتظرت وكرهت هدومي وانا ناطر ولما قرب الدور لعندي صار في حكي ولغط..قلنالهم شو خير شو القصه قال والله الكمبيوتر فصل نهائيا..رحت اشتكيت لمدير المؤسسه ..وبالاخر دفعنا الفواتير..هلا اللي بيضحك رح اكتبلكم شو مكتوب بالفتوره..

كمية الاستهلاك 20 متر مكعب - القيمه المحتسبه20متر مكعب
رسم اداره 21 - صيانة عداد وارتفاق 82
صرف صحي 3 - كلفه نقل على الشبكه 156
قيمة الاستهلاك 50 ليره
قيمة الرسوم 262 ليره
اجمالي الفاتوره 312 ليره

الفاتوره التانيه استهلاك 63 ورسوم 261
الثالثه استهلاك 50 ورسوم 261
الرابعه 110 استهلاك و265رسوم
********************************8
حادثه ثانيه..انشالله لاتمللوا
من 4 اشهر اشتريت دراجه ناريه نظاميه مجمركه..قلت لحالي ياولد روح سجلها بالمواصلات ..وفعلا رحت عملت كومه اوراق بكلفه حوالي 4200 ليره..ومن احد الاوراق امضاء في مكتب الاحصاء ..ولما رحت لعندهم ..قالوالي انت فلان ..
نعم ..متاكد..اي والله متاكد..رفعت الموظفه الهاتف..وقالت انتظر
ثواني واجا شرطي طول بعرض الله يستر مسكني قال تفضل..جاوبتو لوين ياخال طول بالك..
قالت الموظفه,وهي تنظر للكمبيوتر امامها انت محجوزعليك وعلةى اموالك المنقوله وغير المنقوله..انا ضحكت بصوت قوي كتير ..مابعرف ليش قلتلها انا لاعندي منقوله ولاغير منقوله ..ماعندي غير هالموتور بعدين ليش شو المشكله..قالت هيك عندي ع الجهاز..ياأختي على راسي كل الاجهزه بس اعرف شو الموضوع ماني ساحب قرض ولاسارق البنك..ومهرب مخدرات شو الموضوع..لايكون تشابه اسماء..والشرطي حس حالوبطل انو مسك اخطر مجرمي البشريه بهاللحظه..المهم شفنا واحد بنعرفوا وانحلت المشكه بان احضر براءه ذمه من مجلس مدينه سلميه..باني شخص اخر غير المذكور في كمبيوتر الموظفه مع ان اسم الاب والام غير مطايق..لذلط بطلت سجل الموتور..وخليها تخرب
*******************
هلا على مستوى اكبر
السنه الماضيه بالصيف كانت كل يوم تنقطع الكهربا 4 ساعات..فطلع السيد وزير الكهرباء ورح المشكله بالتفصيل المعت والممل..وقال تنتهي الازمه في ايلول دون
رجعه لأزمه الكهرباء..ومن اول الشهر الحالي ولهلا كل يوم بتنقطع الكهربا ساعتين باليوم..ليش وكيف ..ماحدا بيعرف
وطبعا اللي كان عم يحكي وزير الكهربا مو انا********************
من يومين طلع السيد وزير الماليه ع التلفزيون بلقاء شيق جدا وحاروشرح الازمه الماليه..العالميه..وازمة السوق..
وفي خضم حديثه ذكر ان البلد كلما نزل سعر برميل النفط دولار واحد يخسر البلد 4 مليار ليره سوريه..
*****وكل ماطلع البرميل دولار بيخسر البلد 4 مليار ليره سوريه..هاد وزير الماليه

المهم من كل الحديث..
بيطلع عنا بالشريط الاخباري انو وزارة التموين تنصح الاخوه المواطنين للاتصال بالرقم 119 في حال اي مخالفه تموينيه اورفع سعر اي ماده..فورا بنعرف انو الاسعار ولعت..
بس سمعنا انو ماعاد تنقطع الكهربا ..بنتأكد انو ماعاد نشوفها..

الموضوع بجوز للضحك ..وبجوز للبكي ..وبجوز ...للتأمل

السلمونيه

السلمونيه

عضو

عدد الرسائل : 25
العمر : 39
العمل/الترفيه : موظفه
تاريخ التسجيل : 23/12/2008
نقاط : 0

اولا الله يصبحك بالخير انت وكل الاحباب في هذا المنتدى

بصراحة ما شفت بحديثك شيء مضحك بالعكس كلو من الكوميديا السوداء

عنا كل شيء مشكله

الماء والكهرباء مشكله ومرتبطه بالمشكله الأكبر اللي تسمى كمبيوتر او التقانه او المعلوماتيه او الأتمته مدري شو بيسموها بمعنى ربطوها بالكمبيوتر والله لا يوريكم من وقتها كترت المشاكل وصار الكمبيوتر شماعة لتعليق كل الاخطاء وصارو بعض الموظفين يعطلو الكمبيوترات وقت اللي بدهم يشربو مته او يقضو حاجاتهم الخاصه

كمان النقل والمواصلات مشكله والخدمات الطبيه مشكله وخصوصا للمرأه وتحديدا الحامل وتحديدا اكتر صحة الامومه والطفوله واكتر اكتر اكتر تحديدا الوحده بتكره حياتها من اول يوم بالحمل لحتى يقولولها مبروك ما اجاكي اذا ما قالو الله يعوضك او تعيشي وتاكلي غيرا

الفوضى بالموتيرات والعربايات و البسكليتات والطرطيرات والبيكابات والتكاسي اللي صارت اكتر من اللازم ورغم هيك ما بتلاقي تكسي الا بطلوع الروح والبسطات والأكشاك والأرصفه والمواقف و و و و و و واللي عمتعمل نوع من الضغط اللي بيرافقنا من طلعة الضو لأخر الليل وخصوصا بأول شارع السعن واول شارع حمص واول شارع الثوره واول شارع حما يعني باختصار لازم البني ادم يصير قرد لحتى يعبر بسلام

نسيت شو بدي احكي كمان

المهم كلو بيهون لأنو عنا قضيه اكبر هي قضية فلسطين ولازم نتحمل وكلو في حبك يهون

ونتمنى انو نشوف شي مضحك ولكم ولكم كلو مبكي وبقترح انو تعملو منتدى اسمو ابكي معنا ابكي من القلب

مدير المنتدى · 3 البكاء و الضحك الأربعاء ديسمبر 24, 2008 6:21 am

مدير المنتدى

Admin

عدد الرسائل : 711
العمر : 45
العمل/الترفيه : مهندس معماري
تاريخ التسجيل : 05/09/2008
نقاط : 426

هلق هذا الموضوع ... البكاء أو الضحك ... شغلى طويلة كتير ....
بس لازم نضحك و نفرح .... و كما يقول دريد لحام في أحدى مسرحيات الماغوط ( كاسط ياوطن ) ... أنو بدوا يعيش و ينبسط ..
و بدنا نسهر و ننبسط و نعيش رغما عن الجميع و بدنا نشرب كاس عزك ياوطني .. و بدي اكتب اسم بلادي ع الشمس لي مابتغيب ....
تحياتي ......... يا بلدي ــــــــــ

السلمونيه

السلمونيه

عضو

عدد الرسائل : 25
العمر : 39
العمل/الترفيه : موظفه
تاريخ التسجيل : 23/12/2008
نقاط : 0

مدير المنتدى كتب:هلق هذا الموضوع ... البكاء أو الضحك ... شغلى طويلة كتير ....
بس لازم نضحك و نفرح .... و كما يقول دريد لحام في أحدى مسرحيات الماغوط ( كاسط ياوطن ) ... أنو بدوا يعيش و ينبسط ..
و بدنا نسهر و ننبسط و نعيش رغما عن الجميع و بدنا نشرب كاس عزك ياوطني .. و بدي اكتب اسم بلادي ع الشمس لي مابتغيب ....
تحياتي ......... يا بلدي ــــــــــ

اي اي بدنا نعيش وننبسط ونكتب اسم بلادنا عالشمس وعلى كل رموز المجد والخلود

ونشرب كاس الوطن

واذا بدك هادا كاس جديد

كاسنا كلنا وبصحة الجميع

مؤسسة المواصلات الطرقية تؤجل تنفيذ أتوستراد حماة السلمية حتى عام 2010

أعلنت المؤسسة العامة للمواصلات الطرقية
تأجيل البدء بتنفيذ اتوستراد حماة سلمية حتى مطلع عام 2010 المقبل لعدم توفر
الاعتماد المالي اللازم.

وقال مدير فرع المؤسسة العامة للمواصلات
الطرقية في حماة محمد المحمد في تصريح صحفي إن "انجاز هذا الاوتوستراد ينطوي على
أهمية بالغة وخصوصا للمنطقة الشرقية لربطه البادية والبلعاس والرقة وحماة
والساحل".

وكان من المقرر البدء بأعمال تنفيذ
وتأهيل الحارة الثانية من هذا الاتوستراد بداية العام 2009 القادم لكن عدم توفر
الاعتماد اللازم المقدر بحوالي 1.3 مليار ليرة أدى إلى تأجيله إلى عام 2010 بعد رصد
الاعتمادات المالية المطلوبة.

يذكر أن الاتوستراد يشهد سنويا وقوع
عشرات حوادث السير التي يذهب ضحيتها الكثير من الأشخاص جراء كثرة المنعطفات
الموجودة في مواقع عدة من الطريق.

المصدر:
سيريانيوز

====
يا اخوتي طريق الموت يتأجل اصلاحه حتى 2010

ولينتهي يمكن ياخد 10 سنين

كم ضحيه جديده وكم معاق لازم ننتظر

وكم الف كاسه بدنا نشرب

بلدنا حلوه وخيراتهاكتيره

وسلميه بتستاهل انو تنخدم بالمال والدم والروح

يا عالم ياناس يا هوووووووووووووووووووووو

لا تنسونا

كلامي برسم المجلس البلدي والمحافظه

والكم اطيب امنيات العام الجديد

رواد زيدان

رواد زيدان

مشرف

عدد الرسائل : 982
العمر : 42
العمل/الترفيه : مغترب
تاريخ التسجيل : 09/10/2008
نقاط : 486

الله يعينك يا لوركا وقلبي معك
يعني مي وكهربا وكومبوترات ومتورات وهواتف وشوارع ووووووووووو كلها مشاكل بتوقع ابدية وما بتزول في مجتمعناوبدنا نتعود
اما مديرنا اذا بدك ترفع كاس وطنك من شان تشرب وبس فانا معك اما اذا من شان تكتب اسم الوطن عالشمس اللي ما بتغيب وما بعرف شو فما الك مصلحة

اما صديقتي السلمونية رح قلك شغلة ليش نحنا دائما منظلم مؤسساتنا يعني مبين ليش تاجل الاوتوستراد لانو عدد السكان في تزايد دائم فلازم يقللو شوي من البشر كيف بهالطريقة وسلامة فهمك
لا تواخذونا وتحياتي للكل

مدير المنتدى · 6 تحية الأربعاء ديسمبر 24, 2008 10:53 am

مدير المنتدى

Admin

عدد الرسائل : 711
العمر : 45
العمل/الترفيه : مهندس معماري
تاريخ التسجيل : 05/09/2008
نقاط : 426

الوطن ليس اشخاص ... انه أكبر من الجميع ـــ

lorka200

lorka200

مشرف عام

عدد الرسائل : 2012
العمر : 47
الموقع : البدوي الاحمر
العمل/الترفيه : معالج فيزيائي
تاريخ التسجيل : 08/09/2008
نقاط : 1090

مرحبا..مشكورين ع المتابعه شباب وصبايا..انا ماصرلي رد ع الموضوع ..لأنو النت بتعرفوا..

هلا كوميديا سوداء او بيضاء كوميديا وحتى مسخره..
مو الموضوع اللي بيضحك اوبيحزن ..ز.نحنااااااااااااااااااااااااااااااااااااا..
اللي عم يصير معنا هيك..
بنشرب كاسك ياوطن ..كاسك يابيدر ..
مافي شي بيمشي الحال..
طريق حما سلميه يتصلح ..او يتغير طالما الكل عايشين من ورا مصابيه اطباء ..مهندسين..شرطه ...مسؤولين ليش ليعملوه اذا كل سنه بيرمموه..

المشفى الوكني صاروا عاملين ترميم 500 مره فيه ماكانو يفهموا انو المشكله مو بالحيطان..المشكله بالبني ادم

جابو كمبيوترات..لتحصيل الفواتير..بموزمبيق تالت افقر دوله في العالم صار دفع الضرائب والفواتير بشرائح متل شرائح الموبايل..
وبعدين ليش الكمبيوتر اذا مافي كهربا خلينا ع الدفاتر اشرف والله..
واهم شغله انو الموظف بدوائر الدوله لما بدك تراجعوا باي شغله بيفكر حالو هوي البلد والقانون والوزاره وكلشي....مومعتبرانو اللي جايي لعندو مواطن مابعرف شومعتبرو..

اما لوبدنا نحكي عن سلميه على وجه الخصوص ..بتعذروني انا ماعاد فيني احكي مستجدات لأنو بخاف يصير بالمنتدى نهر دموع..

بس بخصوص اخر الجرائم مافيني هون اكتب تفاصيل بس شي بيجنن..وخلوا الطابق مقفوع..وسامحوني

الي ملاحظه صغيره البقيه اللي من سلميه وعايشين برا ليش ماشاركوا بالموضوع ليكونوا مفكرين حالهم صاروا من المريخ.....

مدير المنتدى · 8 مظبوط السبت ديسمبر 27, 2008 1:15 am

مدير المنتدى

Admin

عدد الرسائل : 711
العمر : 45
العمل/الترفيه : مهندس معماري
تاريخ التسجيل : 05/09/2008
نقاط : 426

أنا على قناعة أنها مشكلة بني أدمين متل ماقلت يا بو علي ...
تحياتي ـــــــــ

بوعلي

بوعلي

عضو

عدد الرسائل : 398
العمر : 53
الموقع : www.almizanlegal.com
العمل/الترفيه : محامي
تاريخ التسجيل : 24/12/2008
نقاط : 189

يا جماعة هدو شوي الأزمة مو أزمة فاتورة كربا أو مي أو كمبيوتر.....الأزمة أكبر من هيك.....الأزمة عالمية

مدير المنتدى · 10 دير عطية .... السبت ديسمبر 27, 2008 2:52 am

مدير المنتدى

Admin

عدد الرسائل : 711
العمر : 45
العمل/الترفيه : مهندس معماري
تاريخ التسجيل : 05/09/2008
نقاط : 426

أي مسافر الى دمشق لابد ان يمر من دير عطية ..
و يتفاجئ بالتظيم في هذه الضيعة و بالترتيب و النظافة و الأشجار المزروعة حول الطرقات و الاهتمام بها . المهم لن أطيل لكم عن اعجابي بهذه الضيعة و بتنظيمها و الاهتمام بها .. وأعرف ان هذه الضيعة مدعومة نوعا ما أو ربما كثيرا ...
لكن سأروي هذه الحادثة التي حدثت معي . منذ ساعة .
لي صديق من دير عطية و اخبرني انهم حاليا سوف يقومون بتزفيت شوارع دير عطية ... طبعا الشوارع مانها محفرة أو خربانة لكنها صارت قديمة شوي و ربما كلمة قديمة عندهم كان تقول أنهم زفتوا طريق بسلمية من شي شهر . المهم و الذي فاجئني أن عملية التزفيت سوف تتم على حسابالمواطنيين . اخبرني ان هناك مقاول لتغيير شبكة المياه يقوم ببعض الاعمال في الشوارع هو سيدفع مبلغ من تزفيت الشوارع حسب العقد ... لكنهم لن يقوموا بترقيع الطريق وا صلاح اماكن الحفر سيقومون بتزفيت كامل .. و باقي المبلغ سوف يتم التبرع فيه و الذي فاجئني المبلغ المتوقع لجمعه سوف يتم مبلغ و قدره ( 220 ) مليون ليرة سورية هل متخيلين الرقم مئتان و عشرون مليون ليرة سورية . هلق صديق هوي مقاول هون بالامارات سوف يتبرع بمبلغ 150.000 ليرة . مائة و خمسون الف ليرة سورية .. طبعا حدثني عن موضوع التبرع دون تذمر أو معارضة فهو مقتنع بذلك و الظاهر ان كل اهل دير عطية مقتنعين بذلك ...خل هذه الأمور يجب ان تقوم بها البلدية و ليس المواطنيين بس أكيد ان ميزانية البلدية لا تسمح بذلك . لكن أهل دير عطية لم يجلسوا مكتوفي الايدي . بل تشاركوا و عملوا و نفذا .
لنرجع الى سلمية ... أو ربما سارجع الى المغتربين من أبناء سلمية ماذا قدموا ل سلمية مني أنا و جر على هذاالصعيد .
لو فرضنا أن مثلا قررنا أن نقوم بتجهيز حديقة في سلمية على حساب ابنائها تبرع و كانت تكلفة هذه الحديقة مثلا 2 مليون ليرة . كم تتوقعون أن نجمع من هذا المبلغ و لو فرضنا تحدثنا مع كل المغتربيين في الخارج و الذين يعتبر دخلهم جيد جداأو ممتاز بالمقارنة مع الدخل في سوريا أتوقع أننا في احسن حال بحدود 200.000 ليرة مئتان الف ليرة لاأتوقع اكثر من هكذا مبلغ أبدا .... طبعا تمنى أن يكوني كلامي خطأ .
تحياتي ـــــــــ

بوعلي

بوعلي

عضو

عدد الرسائل : 398
العمر : 53
الموقع : www.almizanlegal.com
العمل/الترفيه : محامي
تاريخ التسجيل : 24/12/2008
نقاط : 189

كلمة حق تقال إن بلدة دير عطية بلدة جميلة جداولكن فيها أيضا أناس مهتمون و مدعومون وأيضا فيها ناس مغتربون قلبهم على مدينتهم// أما عنافي سلمية فصاير فينا مثل المتل القائل قلبي على ولدي وقلب ولدي على الحجر//
فالمشكلة عنا يا عزيزي هي أزمة...ثقة...
فلو طرحت فكرة التبرع فيسكون أول سؤال بيسألوك إياه مين بدوا يجمع التبرع وابن مين هادا ومين وراه ولشو في هذا الوقت هيك فكرة؟؟
وشو الفايدةمنها؟؟؟
وكتير يا ترى مهمة هالفكرة لحتى تجمعولها مبالغ؟؟؟
واقترحوا عالبلدية انو تقوم بهيك عمل؟؟؟
بيجوز اللي عم يقول هالحكي معو حق...
فليش البلدية فعلا مابتقوم بهيك أعمال خدمية ومجتمعية فيها فائدة للمدينة ككل ...
فمثلا مابدنا نقول تزفيت شوارع لأنو فيها استنزاف لرصيد البلدية من الأموال لأنو التنفيذ رح يكون هات ايدك يا خيي هات...
وبعد شهر رح تجي الكهربا ولا مؤسسة المياه ولا حضرة خطوط الهاتف لتحفر الزفت اللي من نسمة هوا بيجي فارط بأرضوا...وبيعملوا فيه العمايل وكأنو في تارات بينهم وبينو وبالأخير ما حدا بيدفنو...طبعا للطريق اللي عأساس مزفت
وعلى كل حال ولكي لانقلب الصفحات ونفتح الجروحات...
عندي اقتراح للجميع وأعتقد أن الجميع لازم يرحبوا بالفكرة وهي انو تنعمل حملة تبرع في سلمية هدفها ليس جمع المال لأنو ممكن ذلك يثير السؤال...
ولا يلق من الكثير الترحاب ...
وإنماأن يتم جمع غراس وليكن من كل بيت شجرة أو انو يزاع خبر بالوسائط المحلية بأنو اللي حابب يتبرع بشجرة (( من الأشجار التي تزرع طبعا في الشوارع العامة والحدائق)) يجيبها للمكان الفلاني وليكن مثلا المركز الثقافي في سلمية
ويتم من بعد ذلك القيام بعمل تطوعي وبالتنسيق مع الجهات المعنية بزراعتها على مداخل ومخارج والشوارع العامة داخل البلدة
وبهذا نكون قد زرعنا ليس فقط شجرة وإنما زرعنا بذرة المساهمة والمشاركة الجماعية التي نحن فعلا نفتقدها في كثير من الأحيان
ومنكون أضفينا جمالية على بلدتناوبعدين ممكن نعمل خطوات شبيهة مثلا وهي التبرع بأصباغ ودهان لدهن أحجار الأرصفة وهكذا وهلما جرا وشوي شوي منكون عملنا شي حلو ومن دون ماحدا يتذمر....وأنا من ناحيتي وعن نفسي عندي استعداد من هلق شارك وأعلن مساهمتي في هذه الفكرة وعندي استعداد في الصيف انو ادهن بإيدي أرصفة مديتنا وحتى لو كنت ماني ساكن فيها
وإلى أن نجد ذلك تطبيقا نلقاكم بخير...[img][/img]

farooha

farooha

عضو

عدد الرسائل : 26
العمر : 43
العمل/الترفيه : accountant
تاريخ التسجيل : 23/12/2008
نقاط : 0

انا بالنسبة الي ما ضحكت وما بكيت وما تأملت بس حسيت بغصة واخدت نفس بصعوبة ...

في سلميه..المضحك المبكي

1 في سلميه..المضحك المبكي الثلاثاء ديسمبر 23, 2008 6:38 pm

lorka200

2 رد: في سلميه..المضحك المبكي الثلاثاء ديسمبر 23, 2008 9:59 pm

السلمونيه

3 البكاء و الضحك الأربعاء ديسمبر 24, 2008 6:21 am

مدير المنتدى

4 رد: في سلميه..المضحك المبكي الأربعاء ديسمبر 24, 2008 7:33 am

السلمونيه

5 رد: في سلميه..المضحك المبكي الأربعاء ديسمبر 24, 2008 10:37 am

رواد زيدان

6 تحية الأربعاء ديسمبر 24, 2008 10:53 am

مدير المنتدى

7 رد: في سلميه..المضحك المبكي الجمعة ديسمبر 26, 2008 6:15 pm

lorka200

8 مظبوط السبت ديسمبر 27, 2008 1:15 am

مدير المنتدى

9 رد: في سلميه..المضحك المبكي السبت ديسمبر 27, 2008 1:41 am

بوعلي

10 دير عطية .... السبت ديسمبر 27, 2008 2:52 am

مدير المنتدى

11 رد: في سلميه..المضحك المبكي السبت ديسمبر 27, 2008 8:03 am

بوعلي

12 رد: في سلميه..المضحك المبكي السبت ديسمبر 27, 2008 2:47 pm

farooha